Page:The dairyman’s daughter; Bob the sailor boy.pdf/54

50

ᎤᏅᏗ ᎦᏃᏗᏍᎩ ᎤᏪᏥ.

ᎨᏒ ᏥᏂᎬᏁᎰ ᎣᏍᏛ ᎨᏒ ᏂᎦᎥ ᎤᏁᎶᎯ ᏍᏘ ᏥᎨᏐ ᎤᏁᎳᏅᎯ ᏧᏤᎵ ᎨᏒ ᎤᏂᏲᎱᏒ ᎢᎦᎦᏛ ᎨᏒᎩ; ᎠᎴ ᎾᏍᏉ ᏴᏫ ᎠᎾᏕᎯᏯᏍᎬ ᎤᎾᏓᏅᏖᏗ ᎢᏳᎵᏍᏙᏗᏱ ᎯᎠ ᎢᏳᏍᏗ ᎠᎴ ᏂᎪᎯᎸ ᎾᏍᎩ ᎯᎠ ᎤᎾᏓᏅᏖᏗᏱ ᏧᏂᏂᎳᏕᎰ ᎢᎦᎦᏛ ᏂᎦᎵᏍᏗᏍᎬᎩ.

ᏗᏓᏁᎸᏃ ᏩᎩᏴᎵᎸ, ᎯᎸᏍᎩ ᎢᏯᏂᏛ ᏧᎾᏁᎶᏗ ᎾᎿ ᎬᏩᏚᏫᏛ ᎾᎥ ᎢᏳᎾᏓᎵ ᎨᏒ ᏂᏙᏓᏳᏁᏅᏛ ᎠᏂᏅᎩ; ᎾᏍᎩ ᎤᎾᏓᏟᏌᏅᎯ ᎾᎿ ᎤᎵᏍᏆᎸᏗ ᎬᏂᎨᏒ ᎢᏳᏅᏁᎵᎸᎯ ᎨᏒ ᎤᏂᎨᏳᎯᏳ ᎢᏳᎵᏍᏔᏅᎯ ᎨᏒ ᏅᏅᏗ ᎦᏃᏗᏍᎩ ᎤᏪᏥ.

ᎧᏅᏑᎸ ᏩᏂᏯᎡ ᎪᎱᏍᏗ ᏧᏩᎿ ᎠᎴ ᏧᎾᏓᏳᎯ ᎢᏳᎵᏍᏔᏅᎯ ᎤᎵᏍᏆᎸᏗ ᏚᎾᎧᎿᏅᏎᎢ ᎵᏏ, ᎾᎿ ᏫᏴᎭ ᎥᏉᏎᎸᎩ. ᎢᏳᏃ ᎯᎸᎯᏳ ᏯᏓᏖᎸᏍᎦ ᎦᎶᏁᏛ, ᎠᎴ ᎥᏓᏗᏍᏕᎸᏗ ᎨᏒᎢ, ᎠᎴ ᎠᏲᎱᎯᏍᏗ ᎨᏒᎢ, ᎠᎴ ᏨᏓᏚᎪᏓᏁᏗ ᎨᏒᎢ, ᎠᎴ ᏦᏒ ᏗᎨᏒ, ᎠᎴ ᏨᏍᎩᏃᎢ ᎤᏟ ᏱᏂᎦᎥ ᎾᏍᎩ ᎯᎠ ᎤᏣᏔᏅᎯ ᎣᏓᏅᏖᏙᏗ ᏱᏂᎦᎵᏍᏗᎭ, ᎾᏍᎩ ᎯᎠ ᎦᏁᏌᎢ ᎪᎯᏳᎲᏍᎩ ᎤᏲᎱᏒᎯ ᎦᎸᏗ ᏥᏴ ᎾᎥ ᏱᎦᎷᏨ, ᎠᏎ ᎾᏍᎩ ᎣᏓᏅᏖᏙᏗ ᎢᏳᎵᏍᏙᏗ ᏥᎨᏐᎢ.

ᎤᏓᏁᏟᏴᏛ ᎨᏒ ᏗᎧᏃᏗᏱ ᎵᏏ, ᎠᏎᏃ ᏄᎵᏍᏔᏅ ᎠᏏ ᎤᏣᏛ ᏅᏩᏍᏛᏉ. ᎤᏙᏓ ᎤᏥᏃ ᎤᎵᏍᏛ ᏚᏃᎸᎩ, ᎤᏙᏃ ᎠᏥᎸᏛ ᏚᏜᏌᏛ ᎢᏗᏢ ᎤᏬᎸᎩ, ᎾᏍᎩ ᎯᎠ ᎬᏂᎨᏒ ᏂᎦᎵᏍᏗᏍᎬ ᎤᏣᏘ ᎤᏲ ᎤᎾᏓᏅᏛᎢ. ᎾᏍᎩᏃ ᏄᏍᏛ ᎤᏲ ᎤᎾᏓᏅᏛ ᎠᏂᎦᏴᎵᎨᎢ ᏗᏂᏩᎦᎾᎳᎯᏳᏃ ᎨᏒᎢ ᏅᏓᎦᎵᏍᏙᏗᏍᎬ ᎤᏟ ᎢᎦᎢ ᎤᏪᏙᎵᏍᏗ ᏗᏓᏅᏓᏗᏍᏗ ᏂᎦᎵᏍᏗᏍᎬᎩ.

Ꮀ ᎤᎸᏉᏗ ᏗᎧᏃᏗᏱ ᎠᎨᏴ ᎾᏍᎩ ᎤᎬᏫᏳᏌᏕᎩ ᎨᏒᎩ ᎣᏍᏛ ᎾᏅᏁᎲᎢ ᎾᏍᎩ ᎠᏉᎸ ᎢᏗᏢ