Page:The dairyman’s daughter; Bob the sailor boy.pdf/52

48

ᎤᏅᏗ ᎦᏃᏗᏍᎩ ᎤᏪᏥ.

ᎿᏉ ᎠᎴ ᎤᏓᎴᏂᏌᏁᎸᎩ. ᎿᏉᏃ ᏙᎦᎵᎨᏓᏅᏅ ᎣᎦᏓᏙᎵᏍᏔᏅᎩ. DᏗᎾ ᎤᎬᏫᏳᎯ ᏔᎵᏉ ᎣᎦᏛᏗᏕᎬᎩ ᎠᎴ ᎣᏍᏛ ᏃᎦᏛᏁᎲᎩ.

ᎾᏍᎩᏃ ᎤᏢᎩ ᎥᏝ ᎿᏉ ᏔᎵᏁ ᏱᎤᏩᏂᎦᎵᏍᏙ4Ꭲ ᎾᎿ ᎨᏙᎲᎢ ᎢᎪᎯᏛ, ᎠᎴ ᎿᏉ ᎥᏝ ᏱᎤᏁᏤ ᎦᎪᎵᏤᏗ ᎨᏒᎢ. ᎠᏍᎪᎯ ᎢᏳᏟᎶᏛ ᎢᎪᎯᏛ ᎥᎤᎸᏅᎩ, ᎿᏉᏃ ᏅᏩᏙᎯᏯᏛ ᎤᎵᏍᏆᏕᎸᎩ, ᎤᏤᎵ ᎤᎬᏫᏳᎯᏱ ᏫᏄᏛᏁᏔᏅᎩ ᎾᏍᎩ ᎬᏍᎦᎢᏍᏓᎩᏯᏉ ᎢᏳᏩᏁᎸᎯ ᏂᎨᏒᏅ ᏥᎩ.

ᎿᏉᏃ ᏑᏟᎶᏛ ᎬᏩᏬᏂᎯᏍᏗ ᏂᎨᏒᎾ ᎢᎬᏩᎵᏍᏔᏅᎯ ᎨᏒᎢ ᎿᏉ ᎠᎩᏄᎪᏨᎩ. DᏗᎾ ᏏᎸ ᏥᏲᎵᎸᎩ ᎤᏬᏰᏂ ᏥᏂᏴᎲ ᎠᎴ ᎤᏍᏗᎩᏛ ᎠᎩᏍᏓᏱᏛᎩ, ᎯᎠ ᏂᏥᏪᏎᎸᎩ: ᎦᎶᏁᏛ ᎾᏍᎩ ᏗᎴᎯᎨᏗ ᎨᏒ ᎠᎴ ᎬᏂᏛ. ᎾᏍᎩᏃ ᎤᏢᎩ ᎤᏍᏗᎩᏛ ᎤᏍᏓᏱᏛ ᎠᎩᏂᏴᏒᎢ, ᎠᏎᏃ Ꮭ ᏰᎵ ᏗᎬᏩᎧᏃᏗ ᏱᎨᏎᎢ , ᎠᎴ Ꮭ ᏰᎵ ᎬᏩᏁᎢᏍᏗ ᏱᎨᏎᎢ .

ᎥᏝ ᎯᎸᎯᏳ ᎾᏍᎩ ᎢᎦᎢ ᎠᏓᏅᏖᏗ ᎨᏒᎢ ᎠᎩᎪᎲᎯ ᏱᎨᏎᎢ. ᎤᎧᎵᏦᏅᎯᏉ ᏄᎵᏍᏔᏅᎩ ᎠᏆᏓᏅᏖᏗᏱ ᎿᏉ ᎥᎦᎢᏒᎢ ᏗᏇᏅᏒ ᏮᏥᎦᏛᎢ. ᎯᎠᏃ ᎾᏇᎵᏒᎩ; ᏕᎾᎦᎴᏂᎭ ᏗᎩᎾᏓᎨᏳᎯ, ᎬᏂ ᎾᎯᏳ ᏑᎾᎴ ᏂᎦᎵᏍᏔᏅ ᎤᎵᏍᏆᏗᏍᏗ ᏂᎨᏒᏅ ᎢᎦ ᎨᏒ ᏔᎵᏁ ᏙᎾᏓᎦᏙᎥᏒ ᎠᎴ ᎨᎩᎾᎵᏃᎮᏗ ᏂᎦᎵᏍᏔᏅ ᎢᎪᎯᏛ. ᏂᎯ ᎤᏥᏍᎾᏉ ᏥᎨᏐ ᎠᎪᎲᏍᎬ ᎠᎲᏕᏛ ᎢᎦᎦᏛ ᎨᏒᎩ, ᎾᏍᎩ ᏃᏈᏏ ᎤᏍᎪᏯᏛ ᎦᎸᏉᏗᏳ ᏗᎨᏒᎢ ᏫᏣᎧᎸᎢᏍᏗᏱ ᏥᎨᏐ ᎢᎦᎦᏛ ᎡᏣᏰᎸᎾᏁᎸᎯ ᎢᎦ ᏣᏘᏍᏛ ᎠᎩᎪᎲᎯ ᎢᎩ, ᎠᎴ ᎣᏍᏛ ᏕᏣᎸᏫᏍᏓᏁᎲ ᎠᎩᎪᎲᎯ ᎢᎩ, ᎾᏍᎩᏃ ᎢᏳᏍᏗ ᏥᎸᏉᏙᏗ ᏂᎦᎵᏍᏘ ᎢᎩᏙᏓ ᎦᎸᎳᏗ ᏦᏒ