This page has been proofread.
47
ᎤᏅᏗ ᎦᏃᏗᏍᎩ ᎤᏪᏥ.
ᎾᏋᏅ; ᎠᎴ ᎾᏍᎩ ᏅᏩᏙᎯᏯᏛ ᎢᎠᏆᏓᏅᏓᏗᏍᏗᎭ, ᎤᏛᏅᎩ.
ᎦᏙ ᎤᏍᏗ ᎭᏓᏅᏖᏍᎬ ᎤᎵᏏᎩ ᎤᎨᏓᎵᏴ ᎠᏲᎱᎯᏍᏗ ᎨᏒᎢ ᎿᏉ ᏥᏕᏣᎾᏗᎢᏏᏗ? ᏥᏲᏎᎸᎩ.
ᎥᏝ ᎤᎵᏏᎩᏳ ᏱᎩ, ᎥᎤᏛᏅᎩ.
ᎾᏍᎩ ᎤᏗᎦᎵᏍᏙᏗᏍᎬ ᏍᎩᏃᎲᏏ, ᎥᏥᏲᏎᎸᎩ.
ᎠᏆᏤᎵ ᎤᎬᏫᏳᎯ ᎠᎦᏔᏩᏕᎦ; ᎾᏍᎩᏰᏃ ᎢᎦ ᎠᏆᏘᏍᏓᏁᎯ ᎠᎴ ᎠᎩᏍᏕᎵᏍᎩ ᎢᎩ, ᎤᏛᏅᎩ.
ᏥᎪ ᎯᏍᎦᎢᎭ ᎠᏏ ᎤᎪᏗᏗ ᎥᏣᎩᎵᏲᎢᏍᏗᏱ? ᎥᏥᏲᏎᎸᎩ.
ᏂᎦᎥ ᎬᏍᎦᎢᏍᏖᎩ ᏂᎨᏒᎾ ᎾᏋᏅ ᎤᏁᎳᏅᎯ, ᎾᏍᎩᏉ ᏥᏯᎵᏍᎦᏍᏙᏗ ᏂᎦᎵᏍᏗᎭ, ᎤᏛᏅᎩ.
ᎿᏉᏃ ᎤᏍᏗᎩᏛ ᎤᎸᏕᎯᎯ ᏄᎵᏍᏔᏅᎩ. ᎾᏍᎩᏃ ᎤᏱᎸᏍᏔᏃᏅ, ᎿᏉ ᎤᏩᎫᏘᎶᎥ ᎯᎠ ᏄᏪᏒᎩ; ᎥᏝ ᎬᏍᏚᎢᏍᏓᎩ ᏱᎾᏋᏁᎭ ᎤᏁᎳᏅᎯ. ᏣᎬᏫᏳᎯ, ᎠᏴ ᏍᏆᏤᎵᎦ. ᏍᎩᏍᏕᎸ. ᎠᏥᎸᏉᏗ ᏥᏌ---ᏥᎨᏳᎢ ᎠᎩᏍᏕᎵᏍᎩ--- ᎾᏍᎩ ᎤᎩᎬ ᎠᏍᎦᎾ ᎨᏒ ᎦᏅᎦᎸᎰᎲᏍᎩ---ᎦᎪ ᏛᏆᏓᏓᎴᏔᏂ ---ᎤᏍᏆᏂᎪᏗᏳ ᏚᏙᎥ---ᎠᎵᎮᎵᏤᏗ ᎨᏎᏍᏗ ᎤᏁᎳᏅᎯ---ᎢᎦᏓᏎᎪᎩᏛ ᎢᎩᏁᎯ---ᎠᏴ, ᎠᏴᏉ ᎾᏍᏉ ᏥᎩ ᎠᎩᏍᏕᎸᏛ ᎢᎩ---Ꮀ ᏂᎦᎥ ᎣᏍᏛ ᎾᏆᏛᏁᎸ, ᎥᎩᏙᎵᏨ, ᎠᎴ ᏂᎤᏍᏆᏂᎪᏗ---ᏣᎬᏫᏳᎯ, ᏗᏍᏆᏓᏂᎸᏥᏉ ᎠᏆᏓᏅᏙᎩᎯ. ᏂᎯᏃ ᎬᎨᏳᎢ, ᏂᎯᏃ ᎾᏍᏉ ᎢᏍᏛᎨᏳᎢ ᎡᏙᏓ, ᎠᎴ ᎡᏥ, ᎠᎴ ᏂᎦᏛ ᏗᎦᏓᎨᏳᎯ, ᎿᏉ ᎢᏨᏯᏂᎩᎡᎭ; ᎠᏎᏃ ᏅᏩᏙᎯᏯᏛᏉ, ᏅᏩᏙᎯᏯᏛ , ᏅᏩᏙᎯᏯᏛ--- ᎤᏛᏅᎩ.
