This page has been proofread.
45
ᎤᏅᏗ ᎦᏃᏗᏍᎩ ᎤᏪᏥ.
ᏞᎩᏳᎧᏂ ᏮᏘᎪᎢ ᎤᏩᏒ ᏄᏍᏛᎢ, ᎥᏥᏲᏎᎸᎩ.
ᎦᏓᏅᏖᎭ---ᎤᏚᎩ ᎠᏋᎭ---ᎠᏉᎯᏳᎭ ᎾᏍᎩ ᏅᏗᎦᎵᏍᏔᏂᏒᎢ, ᎤᏛᏅᎩ.
ᎿᏉ ᎠᎴ ᏞᎦ ᎤᎸᏅᎩ.
ᎤᏥᏃ ᏙᏥᏯᎦᎿᏅᎩ, ᎯᎠ ᏅᏥᏪᏎᎸᎩ.
ᏂᎦᎥᎧ ᎥᏓᏗᏙᎵᏨᎯ ᏱᎩ ᎿᏉ ᎾᏍᎩ ᎾᎥᏂᏳ ᎨᏒ ᏭᎾᏄᎪᎢᏍᏗᏱ ᏱᎩ ᎣᏪᏥ ᎿᏉ ᏂᎯ ᏤᏥ ᏥᏂᎦᎥ ᎡᏍᎦᏂᏳ ᏣᎵᏱᎵᏙᎭ ᎾᎿ ᏭᏕᏗᏱ, ᎠᏆᏛᏅᎩ.
ᎯᎠᏃ ᏄᏪᏒᎩ, ᎠᏗᎾ ᎦᎾᎯᏍᏔᏁᎩᏉ ᎨᏒᎩ ᎦᏬᏂᏍᎬᎢ; ᎤᏣᏔᏅᎯᎹ ᎠᏗᎾ ᎥᏓᏗᏙᎵᏨᎯ ᏱᎩ ᎾᏍᏉ ᎣᏓᎦᏴᎵᎨ ᎨᏒ ᎬᏓᏍᎿᏩᏛᏍᏗ ᎢᎬᏩᎵᏍᏙᏗ ᏱᏄᎵᏍᏔᏅ. ᎠᏎᏃ Ꮀ ᎤᏓᏅᏖᏗᏉ ᏗᎦᎴᏅᏗᏱ, ᎤᏛᏅᎩ.
ᎤᏚᎩᏉ ᎠᏗᎾ ᎬᏍᎦ ᎡᏣᏙᎵᎬᎢ ᎠᎴ ᏦᎯᏳᏒ ᏅᏓᎦᎵᏍᏙᏔᏂ ᏞᎩᏳᏉ ᎾᎿ ᏦᏒ ᏫᏗᏍᏓᏠᏏᎯᏯᏗ ᏅᏗᎦᎵᏍᏔᏂᏒᎢ, ᎿᏉ ᏗᏍᏓᎦᎴᏅᏗ ᏂᎨᏒᎾ ᏂᎪᎯᎸ ᏅᏓᎦᎵᏍᏔᏂ; ᎥᏝ ᎪᎯᏗᏳ ᏱᎨᏎᏍᏗ, ᎠᏆᏛᏅᎩ.
ᎾᏍᎩ ᎠᏘᎾ ᎦᏓᏅᏛᎵ ᎠᎩᎦᎵᏍᏓᏗᏍᎪᎢ, ᎠᎴ ᎤᏁᎳᏅᎯ ᎤᏓᏅᏘᏳ ᎨᏒ ᏅᏗᎦᎵᏍᏙᏗᎭ ᎤᏟ ᎢᎦᎢ ᎤᏁᎳᎩ ᎬᏇᎵᏍᏗ ᏂᎦᎵᏍᏗᎭ ᎡᏍᎦᏉ. ᎢᏴᏛ ᏧᎵᏰᎢᎸᏍᏔᏅᎢ; ᎤᏛᏅ ᎤᏅᏗ ᎦᏃᏗᏍᎩ.
ᎿᏉ ᎤᏁᏥ ᏞᎦᏏᏲᏍᏛ ᎤᏓᏅᏓᏛᎩ ᎠᎴ ᎯᎠ ᏄᏪᏒᎩ, ᎡᏙᏓ---ᎡᏥ---ᎤᏁᎳᏅᎯ ᎤᏣᏘ ᎠᎩᏍᏆᏂᎪᏘᏳ. ᎡᏍᏓᎵᏍᎦᏍᏙᏓ; ᏭᏍᏗᏥᎯᏍᏗᏉ ᏂᎨᏒᎾ
