This page has been proofread.
44
ᎤᏅᏗ ᎦᏃᏗᏍᎩ ᎤᏪᏥ.
ᏛᎦᏅ, ᏞᎦ ᏚᎧᎿᏅᎩ, ᎤᎧᏛᏃ ᎢᎦ ᏥᎦᏙᎪ ᎢᎦᎦᏛ. ᏄᎵᏍᏔᏅᎩ, ᎯᎠ ᏄᏪᏒᎩ; ᎢᎦᏓᏎᎪᎩᏍᏙᏗ! ᏥᏌ ᎦᎶᏁᏛ ᎢᎦᏓᏎᎪᎩᏍᏙᏗ! ᎤᏛᏅᎩ; ᎿᏉᏃ ᏄᎵᏍᏔᏅᏉ ᏅᎤᎵᏍᏔᏅᎩ, ᏂᏓᎦᏌᏯᏍᏗᏍᎬᎾ ᏅᎤᎵᏍᏔᏅ ᎾᎯᏳ ᎾᎿ ᎠᏂᏯᎢ.
ᎤᏁᎳᏅᎯ ᎦᎸᏉᏙᏗ ᎨᏎᏍᏗ ᎾᏍᎩ ᎤᏬᎯᏳᏒ ᎠᏂᎫᏛᏍᎩ ᏥᎦᎵᏍᏗᏍᎬᎢ, ᎥᎠᏆᏛᏅᎩ.
ᎡᎺᏂ! ᎤᏛᏅ ᎠᏯᏫᏍᎩ.
ᎤᏅᏗᏃ ᎦᏃᏗᏍᎩ ᏚᏌᎳᏓᏅ ᏗᎦᏙᎵ ᎬᏂᎨᏒ ᏂᎬᏁᎲ ᎾᏍᎩ ᎡᎺᏂ ᎠᏗᏍᎬ ᎤᏓᏅᏛᎢ, ᎠᏎᏃ ᎥᏝ ᎦᏃᎪᎢ ᎬᏮᏙᏗ ᎾᏍᎩ ᎢᎬᏩᏪᏍᏗ ᏱᎨᏎᎢ.
ᏞᎦ ᎤᏍᏆᎶᏤᎸ ᎠᏛᎵᏍᎬᎢ ᏧᏄᎸᎲᏍᎪ ᎤᏩᏬᎳᏕᏍᏗᏱ ᎢᏳᏍᏗ ᏄᎵᏍᏔᏅ ᎾᏍᎩ ᎤᏲᎱᏏᏕᎾ ᎠᏛ, ᎾᏍᎩᏃ ᎤᏱᎸᏍᏔᏃᏅ, ᎿᏉ ᎯᎠ ᏅᏥᏪ4ᎸᎩ;
ᏗᎩᎾᏓᎨᏳᎯ, ᏤᏣᏍᏕᎵᏍᎪᏍᎪ ᏣᏰᎸᎭ? ᎥᏥᏲᏎᎸᎩ.
ᎤᏁᎳᏅᎯ ᎥᏝ ᎬᏍᎦᎢᏍᏓᎩ ᏱᎾᏋᏁᎭ, ᎤᏛᏅᎩ.
ᎾᏍᎩᏃ ᎤᏚᎢᏍᏔᏅᎯ ᎨᏒᎢ Ꮀ ᎨᎵ ᎤᎵᏍᎨᏛᏯᏉ ᏂᏣᎵᏍᏓᏁ ᎪᎯ, ᎥᏥᏲᏎᎸᎩ.
ᎾᏍᎩ ᏂᎦᏗᏳ ᎥᎥ ᎠᎴ ᎤᏙᎯᏳᎭ ᎠᏛᏗ ᎾᏍᎩ ᏥᏌ ᎦᎶᏁᏛ ᎨᏒᎢ, ᎤᏛᏅᎩ.
ᎤᏣᏘ ᎨᎵ ᎯᎩᎵᏲᎦ, ᎥᏥᏲᏎᎸᎩ.
Ꮀ ᎤᏍᏗᎩᏳ; ᎠᎴᏉ ᎾᏆᎵᏛᏓᏁᎰ ᎠᏇᎯᏍᏓᏁᎵᏙᎲᎢ, ᎤᏛᏅᎩ.
ᏂᎦᎥᎧ ᏅᏓᏅᏘᏳ ᎤᏁᎳᏅᎯ: ᎥᏥᏲᏎᎸᎩ.
ᏂᎦᎥᏃ ᎡᏍᎪᎯᏳ ᎠᏴ, ᎥᎤᏛᏅᎩ.
