Page:The dairyman’s daughter; Bob the sailor boy.pdf/35

31

ᎤᏅᏗ ᎦᏃᏗᏍᎩ ᎤᏪᏥ.

ᏝᏍᎪᏃ ᏞᎩᏳ ᎬᏂᎨᏒ ᏱᏂᏣᎵᏍᏓᏁᎴ ᎾᏍᎩ ᎡᎶᏍᏕᎸᏗᏱ ᎨᏒᎢ Ꮎ ᏍᎩ ᎤᏁᎫᏙ ᏅᎯᏉ ᏣᏤᎵ ᎤᏩᏒᎯ ᏅᏗᎦᎵᏍᏙᏗᏍᎬᎢ, ᏨᏒ ᏕᏣᎸᏫᏍᏓᏁᎸ ᏅᏗᎦᎵᏍᏙᏗᏍ ᎬᎾ ᎨᏒᎢ? ᎥᏥᏲᏎᎸᎩ.

ᎦᏙᏃ ᎤᏍᏕ ᏗᎩᎸᏫᏍᏓᏁᎯ ᎨᏒ, ᎠᏏ ᏂᎦᏛᎩᏍᎬᎾ ᎨᏒ ᎾᏍᎩ ᎠᎵᏥᏙᎲᏍᎬᎢ! ᎤᏲᏉ ᎠᎴ ᎡᎶᎯᏉ ᎤᎬᏩᎵ ᎨᏒᎢ, ᎠᎴ ᎠᏋᏒᏉ ᎠᏆᏤᎵᏛ ᎨᏒᎢ, ᎥᏝᏃ ᎤᏁᎳᏅᎯ ᎤᏤᎵ ᎨᏒᎢ ᎤᎬᏩᎵ ᏱᎨᏎᎢ. ᏄᏍᏛ ᎠᏆᏓᏅᏖᎵᏓᏍᏗ ᎨᏒᎢ ᏗᏆᏛᏒᎢ ᎤᏲᏉ ᎨᏒᎩ, ᎠᎴ ᎾᏍᎩᏉ ᏄᏍᏛ ᏂᎪᎯᎸᎢ. ᎢᏳᏍᏗᏃ ᎠᏇᎶᎯᏍᏗ ᎨᏒ ᎦᏙ ᎤᏍᏗ ᎨᏎᎢ? ᎤᎴᎾᎸᎯᏉ ᎤᎾᏖᏅᏖᏗ, ᎤᏁᎶᎯᏍᏗ, ᎤᏂᏲᏥᏌᏛ, ᎠᎴ ᏄᎾᎦᏌᏯᏍᏛᎾ ᏂᏓᏂᎧᎿᏩᏕᎬᎾ ᏗᎧᎿᏩᏛᏍᏗ ᎠᎴ ᎣᏍᏛ ᎧᏃᎮᏛ ᎨᏒᎢ ᎨᏒᎩ. ᎤᏙᎯᏳᎯ ᎢᎬᏪᏅᏛᏉ ᎠᏆᏙᎴᎰᏒᎩ, ᎢᏳᏃ ᎠᎩᏍᏕᎸᏗ ᏱᏄᎵᏍᏔᏅ, ᎤᏁᎳᏅᎯᏉ ᏍᎩᏂ ᎤᏓᏙᎵᏩᏛᎢ ᏅᏗᎦᎵᏍᏙᏗᏍᎬᎢ, ᎠᎴ ᎾᏍᎩ ᏂᎦᏛ ᏄᎵᏍᏔᏂ- ᏙᎸᏧᏓᎴᏅᎲ ᎠᎴ ᏫᎬᎵᏍᏆᏗᏍᎩ ᎦᎸᏉᏙᏗ ᎨᏒᎢ ᎾᏍᎩ ᎤᏤᎵᎦ 1ᎦᎵᏍᏗᎭ; ᎤᏛᏅᎩ.

ᎾᏍᎩᏃ ᏄᏍᏛ ᎭᏓᏅᏖᏍᎬᎢ ᏨᏒ ᎨᏒ ᎤᏓᏁᏟᏴᏒᎢ ᎡᎶᎯ ᎤᎬᏩᎵ ᎨᏒ ᎦᏙ ᎤᏍᏕᎢ? ᎥᏥᏲᏎᎸᎩ.

ᏄᎵᏌᎶᏛᎾᏉ ᎨᏒᎢ ᎠᎴ ᎤᏕᏯᏙᏗᏉ ᎨᏒᎢ ᎣᏓᏅᏓᏗᏍᏗᏍᎩ ᏥᎨᏐᎢ ᏅᏩᏍᏛᎩ. ᎾᏍᎩᏃ ᏙᎯᏱ ᎠᏆᏓᏅᏓᏗᏍᏗᏱ ᎠᏎ ᎯᎠ ᎢᏯᏆᏛᏁᏗ ᏅᎤ- ᎵᏍᏔᏅᎩ, ᎠᏆᏓᏓᎴᏙᏗᏱᏉ ᎦᏥᏰᎳᏗᏙᎯᏉ ᏂᎨᏒᎾ ᎢᏳᎵᏍᏙᏗᏱ, ᎾᏍᎩᏃ ᎿᏉ ᎦᏓᏙᏝᏍᏗ-