ᏍᎩ ᎯᎠ ᎤᏁWᏅᎯ ᏙᏗᎧᏂᏍᎬᎢ ᎤᏣᏘ ᏧᎬᏩᎶᏗ ᏥᎩ.
ᎤᏟ ᎢᏯᏂᎢ ᎾᎿ ᏓᏂᎳᏫᎥᎢ ᎡᏍᎦᏉ ᎤᏂᏰᎸᏅᎩ, ᎠᎴ Ꮀ ᎤᎶᏒᏍᏗᏉ ᎯᎠ ᎠᎵᏥᏙᎲᏍᎩ ᎧᏃᎮᏍᎬᎢ, ᎤᎾᏛᏅᎩ; ᎥᏝᏰᏃ ᎤᏂᎩᏌᏛ ᏱᎨᏎ ᎾᏍᎩ ᎢᏲᏍᏛ ᎠᎴ ᎪᏪᎵᎯᏉ ᏄᏍᏛ ᎠᎩᏛ ᎨᎦᎵᏥᏙᏁᏗᏱ. ᎠᏗᎾ ᎠᏆᏙᎴᎰᏒ ᎣᏂ ᎾᏍᎩ ᎯᎸᏍᎩ ᎠᏴ ᎾᏆᎵᏍᏓᏁᎸ ᏄᎾᎵᏍᏓᏁᎲᎢ, ᎠᎴ ᏔᎵᏁ ᎤᎾᏛᎪᏗᏱ ᎠᎵᏥᏙᎲᏍᎬ ᎤᏣᏘ ᎤᎾᏚᎸᎲᎩ. ᎠᏎᏃ ᎿᏉ ᎥᏝ ᏔᎵᏁ ᏳᎾᏛᎦᏁᎴ ᎾᎿ ᎠᎵᏥᏙᎲᏍᎬᎢ.
ᎾᎯᏳᏉᏃ ᏓᏳᏓᎴᏅᎲᎩ ᎤᏕᎵᏛ ᎨᏒ ᎦᏓᏙᎵᏍᏗᏍᎬᎩ, ᎠᎴ ᎪᏪᎵ ᏕᏥᎪᎵᏰᏍᎬᎩ, ᎠᎴ ᎦᏓᏅᏖᏍᎬᎩ; ᎾᏍᎩ ᎯᎠ ᏅᏗᎦᎵᏍᏙᏗᏍᎬᎩ ᎬᎩᎪᏩᏛᏗ ᏂᎦᎵᏍᏗᏍᎬ ᎠᎩᏲᎱᏎᎸᎯ ᎨᏒᎢ ᎢᏳᏍᏗ ᎠᏆᏤᎵ TᏳᎵᏍᏙᏗ ᎥᎩᏰᎸᎾᏁᎸᎯ ᎨᏒᎢ ᏥᏍᎦᎾᎯᏳᏉ ᎨᏒᎢ ᏅᏗᎦᎵᏍᏙᏗᏍᎬᎢ, ᎠᎴ ᎤᏣᏗ ᎤᏓᏙᎵᏣᏘᏳ ᎨᏒ ᎤᏁᎳᏅᎯ ᎠᏥᏌᎳᏗᏍᎬ ᎦᏓᏉ ᎠᎴ ᎪᏍᏚᏉ, ᎤᏪᎶᎯᏍᏗᏱᏃ ᎦᎸᏉᏗᏳ ᏦᏒ ᏗᎨᏒ ᎣᏍᏛ ᏩᏓᏅᏓᏗᏍᏗᏱ, ᏥᏌ ᎦᎶᏁᏛ ᎨᏒ ᏅᏗᎦᎵᏍᏙᏗᏍᎬᎢ. Ꮀ ᎤᏍᏆᏂᎪᏗᏳ ᎠᎩᏍᏕᎵᏍᎩ ᏥᏩᏛᎲ. ᎢᏅᎯᏳ ᎤᎶᏒᏍᏗ ᏃᏒᎢ ᎾᏍᎩ ᎢᏳᏍᏗ ᎬᎩᏔᏲᏍᏗ ᎨᏒ, ᎠᎴ ᎬᏆᏚᎸᏗ ᎨᏒᎢ. ᎾᏍᎩ ᎤᏪᎿᎢᏳ ᎨᏒᎢ ᏂᎦᎥ ᎠᎩᏂᎬᎬ ᎠᎩᏩᏛᎲ; ᎾᏍᎩᏃ ᎤᏩᏒ ᎨᏒ DᎩᏩᏛᎲ ᎠᎩᏯᏪᏐᎸᏍᏙᏗᏱ ᏥᏍᎦᎾᎯᏳ ᎨᏒᎢ ᎠᎴ ᎤᏲ ᎠᏆᏓᏅᏔᏩᏕᎩ ᎨᏒᎢ; ᎾᏍᎩᏃ ᎧᏁᎬᎢ ᎠᏆᎵᏂᎪᎯᏍᏙᏗᏍᎩ TᎩ ᎠᏆᏜᏏᏛᎡᎯ ᏂᎨᏒᎾ ᎢᏳᎵᏍᏙᏗᏱ ᎤᏛᏅᏅᎩ.
