This page has been proofread.
20
Ꭴ ᎦᏃᏗᏍᎩ ᎤᏪᏥ.
ᏙᎩᏂᎪᎵᏰᎰᎢ ᎠᎴ ᎠᏓᏙᎵᏍᏗᏍᎪ ᎾᏍᎩ ᎤᏁᏔᎳᏬᏒᎯ ᎨᏒ ᏗᎦᎷᏥᏒ ᎠᏴ ᎦᏲᎩᏂᎷᏤᏗ ᏂᎨᏒᎾ ᎢᏳᎵᏍᏙᏗᏱ. ᎤᏙᎯᏳᎭ ᎤᏎᎦᏨᎯ ᎾᏍᎩ ᎢᏳᏍᏗ ᎤᏓᏛᎯᏎᎸᎯ ᎤᏕᏃᎢ; ᎤᏛᏅᎩ ᎤᏛᏐᏅᎯ.
ᏅᏩᏙᎯᏯᏛᏉ ᎠᏗᎾ ᏂᏣᏛᏁᏍᏗ ᎠᎴ ᏂᎦᏛ ᎪᎱᏍᏗ ᏗᏨᎿ, ᎦᏥᏲᏎᎸᎩ.
ᎰᏩᏉ, ᎠᎴ ᎢᏨᏯᎵᎡᎵᏥᏏ, ᎥᎬᏉᏎᎸ ᏂᎦᏛ. ᎾᏍᎩ ᏄᏍᏛᎩ ᏙᎦᎦᎴᏅᎲ ᎾᎯᏳᎢ. ᎿᏉ ᎢᎦᎢᏒᎢ ᏗᏇᏅᏒ ᎢᏗᏢ ᏮᏥᎦᏛᎢ, ᎤᎪᏗᏳ ᎣᏍᏛ ᎠᏆᏓᏅᏖᏗ ᎾᏆᎵᏍᏓᏁᎸᎩ; ᎠᏗᎾ ᎤᏚᎩᏉ ᎠᏋᎭ ᎾᏍᎩ ᎠᏎᏉ ᏂᎨᏒᎾ ᎨᏒ ᎠᏆᏓᏅᏖᎸᏅᎢ ᎾᎯᏳᎢ. ᎣᏂᏃ ᏰᎵ ᎤᎪᏗᏳ ᏂᏙᏥᏩᏛᎲᎩ, ᎾᏍᎩ ᎯᎠ ᏅᏩᏙᎯᏯᏛᏉ ᏗᏂᏁᎸᎢ; ᎠᎴ ᏂᎦᏥᏩᏛᎲᎢ ᎤᏁᏉᏨᏒᏉ ᎤᏁᎳᏅᎯ ᏥᏯᎵᎡᎵᏤᏘ ᏂᎦᎵᏍᏗᏍᎬᎢ ᎾᏍᎩ ᏦᎦᏓᎪᏩᏛᏗ ᎠᎴ ᎣᎦᎵᏃᎮᏗ ᏄᎵᏍᏔ.
Ꮭ ᏳᏬᎯᏤ ᎠᏆᏙᎴᎰᏒ ᎠᏏᏄᎵᏳᏉᏃ ᎤᏢᎩ ᏂᎦᎵᏍᏗᏍᎬᎢ ᎤᏁᏥ. ᎤᎧᏲᏛ ᎤᏏᏩᏍᎬ ᎤᏬᏓᎸ ᏄᏩᏁᎲ ᎠᎴ ᎤᎴᏐᏍᏗᏍᎬ ᎠᏏᏄᎵᏳ ᎿᏉ ᎤᏱᎶᎮᎲᎩ; ᎾᏍᎩ ᎠᏗᎾ ᎤᏁᎳᏅᎯ ᏥᎬᏗᎭ, ᎾᏍᎩ ᎡᎶᎯ ᎠᏁᎲᎢ ᎤᏂᏧᏈᏍᏙᎮᎯ ᎤᎾᎵᏍᏆᏕᏗ ᏥᏂᏕᎬᏁᎭ. ᎾᏍᎩ ᏧᏃᏴᏨᎯᏉ ᎢᏧᏍᏗ ᏓᎧᏅᎢ ᎠᎴ ᎠᎩᎵᏯ ᎤᏏᏩᏍᎬᎢ ᎠᎴ ᎾᏍᏉ ᎬᏩᏓᎵᏓᏍᏙᏗ ᏂᎨᏒᎾ ᏥᎩ ᏯᏃ ᏗᎩᎦᎨ ᏥᏂᏕᎦᎵᏍᏗᏍᎪᎢ ᏗᏂᎪᏆᎵᎢ ᏂᎦᎵᏍᏗᏍᎬ ᎿᏉ ᎠᏙᎴᎰᎯᏍᏗ ᏂᎦᎵᏍᏗᏍᎬᎩ ᎤᎵᏍᏆᏕᏗᏱ ᎨᏒ ᎿᏉ ᎤᎵᏱᎶᎵᏗᏒᎢ.
