This page has been proofread.
18
Ꭴ ᎦᏃᏗᏍᎩ ᎤᏪᏥ.
ᎠᏆᏙᎴᎰᏒ ᎤᏬᏓᎸᎢᏳ ᎨᏒ ᏗᎧᏃᏗᏱ, ᎠᎴ ᎥᏝ ᎨᎵ ᎪᎯᏗᏳ ᏱᎦᏰᎮᏍᏗ, ᎠᏇᎵᏒᎩ. ᎾᏍᎩ ᎤᏬᏓᎸᎢᏴᎢ ᎠᎩᎪᎲᎯ ᎨᏒ ᎤᎧᏲᏛᏉᎧ ᏧᏏᏩᏏᏒ ᏅᏗᎦᎵᏍᏙᏗᏍᎨ ᎾᏍᎩ ᏥᏄᏍᏛᎢ ᎠᏇᎵᏍᏗ ᏄᎵᏍᏔᏅᎩ, ᎠᏗᎾ ᎣᏏᏳ ᎤᏰᎸᏅᎩ ᎤᏁᎳᏅᎯ ᎤᏯᏅᏗᏱ ᏑᏕᏘᏴᏛ ᏔᎵᏁᏉᏃ ᎠᏰᎵ ᎠᏱᎵᏒ TᏴᏛ ᎾᎯᏳ ᎢᎬᏱᏱ ᏥᎪᎥᎢ.
ᏞᎩᏳᏉ ᏅᏩᏍᏛ ᎠᏇᏙᎸ ᎾᎯᏳ, ᏂᎦᎥ ᎠᎩᎸᏍᎬ ᎣᏣᎵᏃᎮᏍᎬ. ᎢᎸᏍᎩᏉ ᎢᏳᏟᎶᏛ ᎢᎪᎯᏛ ᎣᎦᎵᏃᎮᎸ ᎠᎴ ᎢᎠᏆᎵᏍᏓᏴᏃᏅᏉ, ᎿᏉ ᎠᏎ ᏗᏇᏅᏒ ᎥᎠᏇᏅᏍᏗ ᏅᎠᏆᎵᏍᏓᏁᎸᎩ.
ᎬᏯᎵᎡᎵᏥ ᏂᎦᎥ ᏍᎩᏯᎦᏌᏯᏍᏛᎢ, ᎤᏛᏅᎩ ᎠᏛ. ᎪᎢᏳᎲᏍᎦ ᎤᏁᎳᏅᎯ ᎣᏍᏛ ᎢᏳᏓᏛᏁᏗ ᎨᏒ ᏔᎵ ᎤᏛᏔᏅᎢ ᏂᏍᎩᏩᏛᎯᎸᎢ; ᎤᏚᎩ ᎠᏗᎾ ᎠᏋᎭ ᎾᏍᎩᏉ ᏄᏍᏛ ᎠᏴ ᎠᏆᏙᎴᎰᏒᎢ. ᎦᏥᎨᏳᎢ ᎡᏙᏓ ᎠᎴ ᎡᏥ ᎥᏝ ᏯᏆᏜᏏᏛᏒᎭ ᎤᎾᏅᏓᏗᏍᏗᏱ, ᎠᎴ ᎦᎵᎡᎵᎦ ᎾᏍᎩ ᎢᎬᏩᎵᏍᏙᏗ ᏄᎵᏍᏔᏅᎢ ᎾᏍᎩ ᎤᏣᏘ ᎤᏓᏅᏖᏗᏍᎩ ᎠᎵᏣᏙᎲᏍᎩ ᎣᏥᏁᎸ ᎤᏪᏓᏍᏗ ᏄᎵᏍᏔᏅᎢ. ᎤᎧᎵᏦᏅᎯᏉ ᎤᏓᏅᏘᏳ ᎤᏁᎳᏅᎯ ᏩᏆᏎᏒ ᎠᏥᎸᏱ ᏗᎨᏒ 'ᎤᏥᏍᏟᏉ ᏨᎲᏕᏍᎪ ᎢᏗᎬᏩᏤᎳᏥᏌᏛ ᎾᏋᏁᎸᎢ,' ᏩᏆᏎᎮᎸᏃ ᎬᏂᏛ ᏗᎨᏒ ᎠᎴ ᏅᏩᏙᎯᏯᏛ ᎨᏒ ᎢᏗᏢ ᏫᎦᏅᏅᎢ; ᎠᎴ ᎾᏍᎩᏉ ᏄᏍᏛᎢ ᎠᎩᏰᎸᎨᎢ, ᎾᏍᎩ ᎠᎩᎾᏫᏱ ᏗᏓᎴᎲᏍᎬ ᎠᏥᎸᏉᏙᏗ ᎨᏒ ᏭᎵᏱᎶᎯᏍᏗᏱ ᎠᏴ ᎨᎥᎢ. ᎠᏎᏃ ᎤᏣᏔᏅᎯᏉ° ᎠᏆᏕᎵᎯᏍᏙ ᎯᎠ ᎦᏥᎨᏳᎢ ᏧᎾᏓᏂᎸᏨᎯᏉ ᎢᏳᎵᏍᏙᏗᏱ ᎠᎴ ᏅᏩᏙᎯᏯᏛᏉ
