Page:The dairyman’s daughter; Bob the sailor boy.pdf/21

17

ᎤᏅᏗ ᎦᏃᏗᏍᎩ ᎤᏪᏥ.

ᏍᏕᎸᏗᏱ ᎤᏣᏘ ᎣᏍᏛ ᎪᎵᎩ ᎪᏪᎵᎯᏉ ᏥᏂᎬᏅ ᎪᎵᏍᏗᏱ ᏄᏍᏛ ᎪᎵᎩ ᎨᏒᎩ. ᎤᎪᏗᏳ ᎤᏁᎢᏍᏙᏗ ᎨᏒᎩ ᎣᏍᏛ ᎤᏓᏅᏓᏛᎢ ᎠᎴ ᎤᏲ ᎤᏓᏅᏓᏛᎢ ᎾᏍᎩ ᏄᎵᏍᏓᏁᎵᏙᎸᎢ ᏚᏁᎶᏔᏅ ᏅᏓᎬᏩᏓᎴᏅᏛ ᏧᏰᎢᎸᏍᏔᏅᎢ; ᎠᏎᏃ ᎤᎦᏙᎥᏏᏌᏛ ᎨᏒᎩ ᎤᏟᎯᏳ ᎣᏏ ᎨᏒᎢ ᎤᏙᎯᏳᎯᏯ ᏦᏁᎶᏗ ᏱᎩ ᎡᏍᎦᏉ ᎢᏴᏛ ᎠᏓᏅᏓᏗᏍᏗ ᎣᏏᏳ ᏱᏃᏩᏅ ᎣᏓᏅᏛᎢ ᎠᎴ ᎢᏴᏛᎭ ᏃᏒᎾᏉ ᏱᏂᎣᏩᏅ. DᎦᎳᎲᎩ ᎾᏍᎩ ᎠᎦᏙᎥᏍᏗᏱ ᎨᏒ ᎣᎾᏫᏱ ᏄᏍᏛᎢ ᎤᏁᎳᏅᎯ ᎠᏓᏅᏖᏗ ᎨᏒᎢ, ᎤᎬᏫᏳᏒᎢ ᏄᏍᏛᎢ ᎤᎵᏂᎩᏗᏳ ᎪᎯᏳᎯ ᎨᏒ ᎦᏳᏁᏛ ᎠᏕᏘᏱ, ᎠCᏂᎬᏁᏗᏱ ᎠᏯᏍᏗᏱ ᎾᏍᎩ ᏄᏍᏛ ᎤᏩᏒ ᎾᏍᎩᏯ ᎠᏕᏗᏱ ᎾᏍᎩ ᎠᎨᏳᏒ ᏅᏓᏳᎵᏍᏙᏗᏱ. ᎠᎦᏔᎯᏳ ᎨᏒᎩ ᏄᏍᏛ ᎠᏂᏍᎦᎾ ᏴᏫ ᏧᎨᏳᎯᏳ ᎨᏒᎢ ᎠᎴ ᏄᏍᏛ ᎢᏳᎾᏛᏁᏗᏱ ᎨᏒ ᏚᏁᏤᎸ ᎠᏂᏍᎦᎾ ᎢᏧᎳ ᏗᎬᏩᏓᏁᏟᏴᏍᏗ ᏂᎨᏒᎾ ᎨᏒᎢ. ᎾᏍᎩᏃ ᎤᏬᎯᏳᏒ ᎤᏁᎳᏅᎯ ᎠᏂᏍᎦᎾ ᏧᎨᏳᎯᏳ ᎨᏒ, ᎾᏍᎩᏃ ᎾᏍᏉ ᎠᏍᏓᏩᏕᎬᎢ ᎢᏳᏛᏁᏗᏱ ᎠᏥᏁᏤᎸᎯ ᎨᏒᎢ ᎾᏍᎩ ᏄᏛᏁᎸᎩ ᎤᏲᎸᎩ ᎠᎴ ᎤᏩᏛᎲᎩ ᏅᏩᏙᎯᏯᏛ ᎠᏓᏅᏓᏗᏍᏗ ᎤᏁᎳᏅᎯᏱ ᏅᏓᏳᏓᎴᏅᎯ, ᎾᏍᎩ ᏂᎦᏛ ᎦᎪᎵᏦᏃᎲᏍᏗ ᏂᎨᏒᎾ ᏥᎩ.

ᎥᏝ ᎤᎪᏗᏳ ᏧᎪᎵᏰᎥᎯ ᏱᎨᏎ ᎪᏪᎵ, ᎤᎭᎨᏛᏍᎩᏂ ᎪᏪᎵ ᎤᎪᎵᏰᎥᎯ ᎨᏒᎩ. ᎠᏎᏃ ᎾᏍᎩ ᎦᏲᎵ ᏗᏐᎢ ᎪᏪᎵ ᏧᎪᎵᏰᏗ ᏚᎾᎥᎢ ᎤᏣᏘ ᏦᏍᏛ ᎨᏒᎩ; ᎠᎴ ᎤᏁᎢᏍᏙᏗ ᎥᎨᏒᎩ ᎢᏳᏍᏗ ᏕᎧᏃᎮᏍᎬᎢ ᎠᎴ ᏣᎦᏔᎰ ᎢᎦᎦᏛ ᎥᎨᏒᎩ ᏂᏚᏓᎵᏁᎯBᎢ.