This page has been proofread.
15
Ꭴ ᎦᏃᏗᏍᎩ ᎤᏪᏥ.
ᎨᏎᏍᏗ ᏓᏂᏩᎾᏕᎸ ᎢᎨᎵᏍᏗ ᏱᎨᏎᏍᏗ, ᎣᏍᏛ ᎢᎦᏛᏁᏗᏱ ᎨᏒ ᏅᏗᎦᎵᏍᏙᏗᏍᎨᏍᏗ ᏕᏓᏓᏩᏛᎯᏙᎲᎢ, ᎠᏆᏛᏅᎩ.
ᎿᏉ ᏄᏴᎵᎸ ᎤᏛᏐᏅᎯ, ᏚᎵᎪᏁᎵᎸ ᎤᏓᎵᎢ ᎤᏪᏥᏃ ᏕᎬᏆᏓᏂᎸᎬᎢ. ᎣᏣᎵᏃᎮᏍᎬᏃ ᏄᏬᎯᏨᎾᏉ ᎿᏉ ᎤᏂᏲᎱᎯᏎᎸᎢ ᏬᎩᏱᎶᎸ ᎣᎩᏃᎮᎸᎩ, ᎠᎴ ᎬᏂᎨᏒᎢᏳᏉ ᏂᎦᎵᏍᏗᏍᎬ ᎠᏛ ᎤᏁᎳᎸᏅᎯ ᏗᎧᎿᏩᏕᎩ ᎨᏒ ᎠᎴ ᎣᏏᏳ ᎤᏓᏅᏖᏗᏱ ᎨᏒᎢ ᎢᏳᏃ ᏧᎦᏴᎵᎨ ᏕᎧᏁᏥ ᎠᏴᏉ ᎠᎴ ᏛᎩᏁᏥ. ᎩᎳᏉ ᎢᏴᏛ ᎬᏂᎨᏒ ᎾᏆᎵᏍᏓᏁᎸ ᎣᏏᏳ ᎤᏓᏅᏖᏗᏱ ᎨᏒᎢ, ᎠᎴ ᏔᎵ ᎤᏩᏛ ᎤᏙᎵᏍᏙᏏᏳ ᎨᏒᎢ ᎢᏳᏃ ᎧᏁᎢᏍᏗ ᎤᎵᏂᎩᏗᏳ ᏓᎧᎿᏩᏗᏒᎢ, ᎠᎴ ᎤᎨᏳᎯᏳ ᎨᏒ ᎦᎶᏁᏛ ᏅᏗᎦᎵᏍᏙᏗᏍᎬ ᏂᎦᎥ ᎤᏪᏙᎵᏨᎯ ᎨᏒᎢ.
ᏧᏚᎵᏍᎪ ᏂᎬᏩᏍᏛ ᎠᏴ ᎦᏥᏩᏛᎲᎢ ᎤᏩᏒ ᎣᏍᏛ ᎢᏳᎵᏍᏓᏁᏗ ᎨᏒ ᎤᏁᏉᏨᏍᏗᏱ ᎠᎴ ᎾᏍᏉ ᏧᎦᏴᎵᎨᎢ; ᎥᏝᏗᎾ ᎪᎱᏍᏗ ᎬᏙᎴᎰᎯᏍᏓᏁᏗ ᏱᎨᏎ ᎦᏬᏂᏍᎬ ᎠᎴ ᎢᏳᏛᏁᎵᏓᏍᏗᏱ ᎨᏒᎢ, ᎾᏍᎩ ᎰᎧ ᎤᏁᏣᏔᏉ ᎦᏰᎵᏍᏗ ᎨᏒᎢ ᎠᎴ ᎰᎧ ᎤᏢᏉᏘᏉ ᎦᏰᎵᏍᏗ ᎨᏒᎢ.
ᎤᎵᏂᎩᏗᏳ ᎤᏬᎯᏳᎯ ᎨᏒᎩ ᎠᎴ ᎥᏝ ᎠᎵᏐᏅᎢᏍᏗᏍᎩᏉ ᏱᎨᏎᎢ ᎠᏟᏂᎬᏁᎲ ᎾᏍᎩ ᎤᎬᏩᎵ ᏚᎸᏫᏍᏓᏁᎲᎢ, ᎾᏍᎩ ᏧᏳᎪᏗ ᎢᏯᎾᏛᏁᎯ ᏥᎨᏐ ᏧᎾᏁᎶᏗ ᎨᏒᎩ; ᎠᏎᏍᎩᏂ ᎾᏍᏉ ᎥᏝ ᎤᎵᏔᏁᎯ ᎤᏁᏣᏘ ᏱᎨᏎᎢ, ᎩᎶ ᎬᏩᎾᏕᎰᎯᏍᏗ ᏂᎨᏒᎾ ᏥᎨᏐ ᎠᏂᎨᏴ ᎥᏝ ᎾᏍᎩ ᏱᏄᏍᏕᎢ, ᎠᎴ ᎤᏃᎯᏳᎯᏍᏛ ᏥᎨᏐ ᎤᏂᎦᏴᎵᎨᎢ ᎾᏍᎩ ᏄᏍᏛᎩ. ᎥᏝ ᏰᎵ
