ᏆᏍᏗ ᎨᏒ ᎠᎵᏱᎵᏒ ᏅᏓᎬᏩᏓᎴᏅᏛ.” ᏗᏓᏁᎸᏃ ᎦᎶᎯᏍᏗᏱ ᏓᏳᎵᏍᏚᎢᏒᎩ, ᎠᏛ ᏓᏳᏄᎪᏨᎩ, ᎤᏍᏓᏩᏕᎲ ᎠᎦᏴᎵᎨ ᎠᎴ ᏩᎾᎦᎳ ᎤᏥ. ᎬᎩᎪᎲᏃ ᏄᎾᏅᏓᏗᏍᏔᏅᏒ ᏗᏓᏂᏐᏗᏱ, ᎾᎿ ᎬᎩᎪᎲᎢ ᏅᏓᎦᎵᏍᏙᏗᏍᎬᎩ. ᏓᏂᎦᏌᏬᎢᎲᎩ ᎠᎴ ᏔᎵ ᎤᏛᏛ ᏓᎾᏤᏣᏍᏗᏍᎬᎢ ᎣᏒ ᎤᏂᏰᎸᏒ ᎬᎩᎪᎲᎢ. ᎠᏆᏠᎠᏒᎩ, ᏗᏓᏁᎸ ᏫᎬᏆᏘᏅᏍᏔᏅᎩ, ᏬᎩᎦᏛᎴᏒ ᎠᏲᎵ ᎠᎴ ᎤᏬᏚᎯ ᎠᏫᏒᏗᏱ ᎪᏢᏒᎢ, ᎢᎦᏛ ᎾᏍᎩ ᏅᏓᏩᏗᏍᏙᏛᎩ ᏔᎵ ᏧᏲᎾᏍᏕᎾ ᏓᏩᏥᎵᏳᏍᏗ ᏕᏡᎬᎢ. ᎬᏂᎨᏒᎢᏳᏉ ᎨᏒ ᎤᏓᎵᏁᎯᏯᏛ ᏂᎬᏅ ᎦᏓᎭ ᏂᎨᏒᎾ ᎨᏒ ᎠᏓᏁᎸᎢ.
ᎠᏂᎧᏂ ᎤᏓᎵᏁᎯᏯᏛ ᎤᏕᏗᏱ ᎤᏁᎳᏅᎯ ᎤᏤᎵ ᏗᎦᎸᏫᏍᏓᏁᏗ ᎨᏒᎢ, ᎠᎴ ᏅᏩᏙᎯᏯᏛ ᎨᏒᎢ, ᎠᎴ ᎤᏪᎵᎯᏍᏗ ᎠᏓᏅᏓᏗᏍᏗ ᏂᎨᏒᎾ ᎨᏒᎢ. ᎾᏍᎩ ᎤᏁᎳᏅᎯ ᎣᏏᏳ ᎤᏰᎸᏅᎯ ᎨᏎᏍᏗ, ᎠᏎ ᎪᎱᏍᏗ ᎢᏤ DᏆᏕᎶᏆᏍᏗ ᎨᏎᏍᏗ ᎠᏂ ᎯᎠ ᏥᎦᏥᏩᏛᎰᎦ, ᎠᏇᎵᏒᎩ.
ᎠᏛᏃ, Ꮭ ᏲᎩᎵᎶᎲᏍᎦ ᏂᎯ ᏍᎩᏩᏛᎰᎸᎢ, ᎡᏍᎪᎯᏉᏰᏃ ᎣᏤᎲᎢ, ᎰᎧᏂ Ꭴ ᏓᎦᏌᏯᏍᏗᏳ ᎢᏨᏰᎵᏎᏗ ᏂᎦᎵᏍᏗᎭ, ᎤᏛᏅᎩ.
ᎠᏆᏤᎵ ᎤᎬᏫᏳᎯ ᎤᏟᎯᏳ ᎢᏅᎯᏨ ᏧᏪᏅᏎ, ᎢᎩᏩᏛᎯᎴᎢ ᎤᏲ ᎢᎦᏛᎿᏕᎩ ᎢᏗᏍᎦᎾᎢ," ᎠᏆᏛᏅᎩ. ᎤᏙᏓ ᎦᏁᏥᎢ ᏧᏩᏕᏤᎢ, ᎢᏴᏛ ᏄᏩᏁᎴᎢ ᎠᏥᎸᏉᏗᏳ ᎨᏒᎢ, ᎤᏠᎠᏏᎴ ᎠᏂ ᎡᎶᎯ ᎨᏒᎢ; ᎤᏓᏙᎵᏣᏘᏳ ᎨᏒ ᎠᎴ ᎢᎩᎨᏳᎯᏳ ᎨᏒ ᏅᏗᎦᎵᏍᏙᏗᏍᎨ ᎢᎩᏩᏛᎯᎴᎢ. ᏥᎪᏃ Ꮭ ᎠᏴ ᎢᏳᏃ ᎡᏘᏍᏓᏩᏕᎩ ᎢᎩᏰᎸᎯ ᏱᎩ, ᎤᏁᎳᎩᏉ
