— 16 —
DADITE (si ritournant)
Savez vs bén ki personne cial n’ a mezåjhe di vos conseys, Gårnir !
GÅRNIR
Dji m’ ê dote bén ! Lambert n’ a surmint nén mezåjhe d’ esse escolé po esse mwaisse e s’ måjhone. (loucant Dadite) Hey, binamêye Dadite, kéne oumeur ki vos avez co ! Djans, fjhez l’ on pô pus bele et vindez l’ on pô pus tchir !
DADITE
Dji fwai l’ oumeur ki m’ convént… Et si çoula n’ vis va nén…
GÅRNIR (mostrant l’ poite)
La grande porte m’est toute large ouverte a deux battants edon ? Awè ! O ! dji sais bén k’ vos inmez mî mes talons k’ mes betchetes… et c’ est po çoula minme ki dji n’ sereu måy foû d’ cial… Dj’ inme tant di vs fé n’ gote assoti dê !
DADITE
Dji fwai bén pô atincion a vos.
GÅRNIR
Vos l’ dijhez !
DADITE
Et djel pinse.
GÅRNIR
Leyîz pinser les beguenes elle ont mî l’ tins k’ vos.
DADITE (riployant ses draps)
Infén ! Vola mi ovraedje fini. Dji m’ va rmete tot çoucial a pont.
