— 13 —
GÅRNIR (sol minme ton)
Et mi, k’ a dju d’ keure di vos, don mi ! (si rapåjhtant) Djans, ci n’ est nén tot çoula : wice est ele nosse plate ?
DADITE (di måle oumeur)
Vo l’ la sol djivå.
GÅRNIR (a Poreai)
Veyez vs, Lambert, kéne metchansté ; vosse feme ki mete li gote sol djivå po ki l’ peket s’ estchåfe. Et vos m’ vénrîz dire ki les femes ont-st ene sacwè d’ bon dvins zeles paret. Tinez, (riyant) ci n’ est nén po rire ki djel di : dji vôreu k’ on pindaxhe li dierinne feme e li tchminêye et k’ ci sereut mi k’ sereut tcherdjî del pinde… Alez, dji vs respond k’ on n’ voereut måy pus nole. — Djans Dadite, dinnez nos deus veres,
DADITE
Loukîz sol poyire del finiesse, i doet nd aveur onk.
POREA (a Gårnir)
Awè, tén, vocial onk.
GÅRNIR (prindant l’ vere)
On boket. C’ est todi bon va.
(tchantant) Quand on n’a pas ce que l’on aime
Il faut aimer ce que l’on a.
C’ est po çoula ki dj’ voe voltî Tonton. Alans Lambert, on ptit tchiket valet.
POREA
Après vos, buvez todi.
