— 9 —
GÅRNIR
Tinez, dji so bén bon edon, dji m’ va rescouler vos fiers. Et dji m’ va mete ci cial tchåfer, i seront tertos tchôd cwand vos rinterrez.
DADITE
Bodjîz vs djans, bodjîz vs. Lambert ni boet nén l’ gote so l’ ovraedje.
POREA
Siya, ouy, dji boereu bén ’ne pitite si dj’ l’ aveu. Dj’ a l’ gozî tot setch.
GÅRNIR
Aha ! vos veyez bén edon ! Tinez vola l’ botaye et vola les dijh çanses. Alez m’ feye, alez ! Dimandez do bon et et k’ on vs mete bén vosse conte savez ! (i ricdût Dadite disk’ a sol soû) Dijhez k’ c’ est po on malåde… Dimandez des belès trintches !
(Do tins di ces dierinnès paroles, Dadite a bodjî s’ vî vantrin et metou on prôpe k’ esteut pindou a on clå a droete.)
SINNE II
POREA — GÅRNIR
GÅRNIR (riyant)
Dj’ a si bon del fé assoti dê ! Et cwand ele si måvele dj’ a co meyeu. Ele s’ emonte, ele s’ emonte come ene sope å laecea…
POREA
Tel fwais todi tourmeter.
