Page:Tain Bo Cuailnge.djvu/75

From Wikisource
Jump to navigation Jump to search
This page has been proofread.
63
TÁIN BÓ CUÁILNGE

Tánic dano Cūchulaind ⁊ dosnetarraid oc gabáil dúnaid, ⁊ bithus dá Daigri ⁊ dá Ánli ⁊ cethri Dúngais Imlich dīb. Gabais dano Medb for grēssacht Lōich andaide. "Mór in cutbiud dait," forsí, "in fer romárb do bráthair do bith oc dīthugud a slóig cen techt do chomrac fris. Ar is derb lind nī déma siriti bras birda na letheti út fri bruth ⁊ feirg níad do lethetisiu. ⁊ dano is [ó] óenmummi forcetail conrotacht dān dūib.]

Luidside dino ara chend[1] do dīgail a brāthar.[2] "Tair dond āth ōchtarach," ol[3] Lōch; "nĪba isinn[4] āth escomonsa corricfem.[5]" Bibsad[6] ind ḟir na bū tairis. "Biaith[7] tarteisc sund indiu," or Gabrān.[8] Is de atā Āth Tarteisc[9] ⁊ Tīr Mōr Tarteisc.[9] Focherd[10] ind escuṅga[11] tri ol[12] imm chosa Conculaind, co mbāi[13] isinn[14] āth ina ligiu. Danuatat[15] Lōch cosin c[h]laidiub.[16] "Grēsid in fer," or Fergus fria muinter.[17]" "Roscāich do bruth," or Bricriu, "brattān bec dotrascair,[18] intan dofil Ultu as a ces.[19]" Lasodain atraig ⁊ benaid in nescoṅgain co memdadar a hasnai indi, ⁊ conboing in ceithri tarsna sluagaib[20] sair ar ēigin, co mbertadar a puiple ina nadarccaib lasa torandcleas dorigēnsat in dā lāth gaile isinn[21] āth. Donautatsom[22] int sod maic tīre; doimairg na bū sīar.[23] [32b] Lēicidsom cloich asa t[h]ailm co memaid a shūil[24] ina chind.[25] Tēiti i richt samaisce muile[26] dergi. Muiti[27] riasna būaib forsa[28] linni ⁊ na hāthu. Is and asbertsom: "nī airciu[29] a

  1. Tanic dano Lóch i nagid Conculaind LU.
  2. fair, ar donadbacht do ba ulch bói lais add. LU.
  3. úachtarach or LU.
  4. isind LU.
  5. condricfem, áit hi torchair Long LU.
  6. Ó thánic iarom do saigid ind ath bibsat LU.
  7. Below biath is added na bu: Biáid LU.
  8. fili add. LU.
  9. 9.0 9.1 darteisc LU.
  10. osin forsin phurtsin. O rochomraicset iarom ind fir forsind áth ⁊ o rogabsat oc gliáid ⁊ oc imsesorcain and ⁊ o rogab cach dib for truastad a cheli focheird LU.
  11. escongon LU.
  12. gl. .i. tri curu LU.
  13. co mbói fǽn fortarsnu LU.
  14. isind LU.
  15. Danautat (.i. búalis) LU.
  16. combu chróderg int áth dia fulriud add. LU.
  17. Grēsid—minter: Ole ón om," for Fergus, "an gnímsin hi fiadnaisi námat. Gressed nech úaib, a firu," forse fria mintir, "in fer nárthǽth i nascid." Atraig Bricriu nemthenga mac Carbatha ⁊ gabais for gressacht Conculaind LU.
  18. "Roscáich do nert," olse, "intan is bratan bec dotrascair" LU.
  19. chucut. Dolig duit gnim nerred do gabail fort hi fádnaisi fer nErend ⁊ læch ansa do dingbail a gaisciud fonsamail add. LU.
  20. darsna slúagu LU.
  21. isind LU.
  22. Tanautatsom LU.
  23. fair síar LU.
  24. súil LU.
  25. cind LU.
  26. máile LU.
  27. Over t has been added later d: muitti LU.: leg. maitti
  28. Below forsna has been added n: forsna LU.
  29. gl. .i. ni rochim LU.