Page:Tain Bo Cuailnge.djvu/56

From Wikisource
Jump to navigation Jump to search
This page has been validated.
44
TÁIN BÓ CÚAILNGE

Lōigh.[1] “Atchīu dā charpat[2] chucund,” ol Lōeg.[3] “Fer mōr donn isin charput tōisech. Folt donn crǣbach fair. Brat corcra imbi. Eō ōir and. Lēne c[h]ulpatach co ndergintliud imbi. Cromscīath co fōebur condūalach[4] fair di findruine. Manāis brēfnech[5] ō mimuisc[6] co hadairc[7] ina[8] lāim. Claideb sithidir lāi[9] churaich[10] fora dib slīastaib.” “Is fās ind lui[11] mōrsin doberar lam popa Fergus,” or[12] Cūc[h]ulaind, “ar nī fil claideb ina indtiuch inṅge[13] claideb crainn.” “Atcóas[14] dam dino,[15]” ol Cūc[h]ulaind. “Rogab Ailill a mbōegul ina cotlad,[16] hēisom ⁊ Medb; ⁊ dorētlasstar a claideb[17] ar Fhergus, ⁊ darat[18] dia araid dia t[h]oscaid, ⁊ doratad claideb craind inna intech.”

Tic Fergus fosodain. “Fochen sin a popa a Fergaiss[19]!” ol Cūc[h]ulaind.[20] “Dia tonda[21] īasc isna haibnid isna hindberaib[22], robīa[23] hé co lleith araile. Dia tī īall i mag[24] rotbīa cauuth[25] co lleith araile[26]. Dornn biroir nō femur[27]; dornn fochluchta[28]; deog de ganim. Teacht i nnāth ar do chend tīs[29] ma thecra[30] t'imfaire co comthola[31] rotbīa.” “Is tairisi linn[32],” or[33] Fergus, “nī do bīad doroachtamar.[34] Rofedamar do t[h]rebad sund.” Arfōim Cūchulaind iarum in nimorchor ō Fergus. Tēit iarum remi Fergus.[35]

Anaid Etercomal oc dēicsin[36] Conculaind. “Cid doechai[37]?” ol Cūchulaind.[38] “Tusu,[39]” ol Eterchomal.[40] “Mos tairchella ēm sūil dar sodain,” ol Cūc[h]ulaind. “Is hed ōn atchīu,” ol Etercomol, “nī feicim[41] nī arṅdotāigi[42] do neoch. Nī aicim[43] di gin nā hēruath nā forlonn līno latt. Maccōem tuchtach amne co ngaisciuth do ith[44] ⁊ co clesaib sēgdaib atotc[h]omnaic.” “Cia nomc[h]āne,” ol Cūc[h]ulaind, “nītgēnsa fobīth Fergusa[45]. Mani bad[46] do shnādud[47] immorro, robtis[48] do reṅga rigthi ⁊ do

  1. The mark of aspiration is later: Laíg LU.
  2. MS. chairp˘: charpat LU.
  3. or Lǽg LU.
  4. fǽbur chonduala LU.
  5. n added over the line later: bréfech LU.
  6. mimusc LU.
  7. h added later
  8. inda LU.
  9. lói LU.
  10. churaig LU.; leg. curaig
  11. lái LU.
  12. ol LU.
  13. intiuch inge LU.
  14. Atchoas LU.
  15. dano LU.
  16. inna cotlud LU.
  17. The first s of doretlasstar seems to have been altered from i: dorétlaistir a claidiub LU.
  18. dorat LU.
  19. a phopa Ferg˘ LU.
  20. Cú LU.
  21. tí LU.; leg. tomna
  22. íasc i ninb˘ LU.
  23. rotbía LU., recte
  24. a mmag LU.
  25. caúth LU.
  26. alaili LU.
  27. femair LU.
  28. fochlochta LU.
  29. techt i náth ar cend fir LU.
  30. a written over the line; leg. thecma?
  31. The mark of aspiration is later: comthala LU.; leg. comtolae
  32. tarise lim LU.
  33. ol LU.
  34. dorochtamar LU.
  35. Téit Fergus ass iarum LU.
  36. déscin LU.
  37. doḟécai LU.: leg. doécai
  38. Cú LU.
  39. tussu LU.
  40. Etarcomol LU.
  41. icim added later above the line: fetar LU.
  42. ardotáigthe LU.: leg. arṅdotáigthe
  43. acim LU.
  44. doíd LU.: leg. do ḟid
  45. Fergus LU.
  46. b altered from f: manípad LU.
  47. ṡnadud LU.
  48. roptís LU.