Page:Tain Bo Cuailnge.djvu/35

From Wikisource
Jump to navigation Jump to search
This page has been validated.
23
TÁIN BÓ CÚAILNGE

mē ēcin,” ol Cathbath. “Cid do chana duit in breg[1] do imbirt form, a shiriti?” ol Conchobar fri Coinculaind.[2] “A rī fēne, nī brēg,[1]” or[3] Cūchulaind, “is ē dorinchoisc dia ḟelmaccaib hifuarach,[4] ⁊ rochūalasa[5] fri hEmain andes ⁊ dodeachadsa chucutso iarum.” “Is maith ane in lāa,” ol Cathbath; “is glē bid airrdric[6] ⁊ bid animgnaid intī gēbas gaisced and, acht bid duthain namā.” “Amra brīgi soin,[7]” ol Cūchulaind; “acht ropom airdricse,[8] maith lim cen co bend būan [9] acht ōenlāa for domun.”

“A llāa naili[10] imchomrac[11] araile fer dona druidib cid dia[12] maith a llāisin. “Nech noragad hi carpat and,” for Cathbad, “forbīad a ainm hĒrind co brāth.” Rocluinithir[13] iarum Cūc[h]ulaind sin. Dothéitside co Conc[h]obar co nepert fris. “A popa, a Chonc[h]obair,[14]” olse, “carpat damsa.” Doberside carpat dō. Forruirim a lāim itir dī ḟertais in charbaid, co mmemaid[15] ina lāim[16] carpat. Brisis in dā charpat dēc[17] in c[h]ruthsin. Doberar dō iarum carpat Conchobair. Foloiṅgside ēseom. Tēit isin carpat iarsuidiu ⁊ ara[18] Conchobair leis. Imsāi[19] int ara .i. Ibor a ainmside, in carpat fōsom.[20] “Tair isin charpad[21] a feachtsa,[22]” ol int ara. “It cǣma[23] na heich[24], am cǣmsa dino,[25]” ol Cūc[h]ulaind, “am maccam.[26] Tair riun[27] timc[h]ell Emna[28] namā, ⁊ rotbīa a lōg airi.” Tēit ōn dino[25] int ara, ⁊ cotnēignigestair[29] Cūchulaind iarsuidiu co dairleth forsin sligid[30] do chelebrad dona maccaib, “⁊ condambendachtaís in maicc.” Gāid dō dino[25] co tairled in sligid dorīsi. Ō thāncadar dono,[31] asbert Cūchulaind frisin naraid: “Indaig brot forsin nechraid thra,[32]” olse. “Ceth leth ōn[33]?” ol int ara. “Cēin anindain ar[34] int sligi,[35]” or Cūchulaind.

“Tecaid di suidiu co Slīab Fūaid.[36] Forecat Conall Cernach and. Do Chonall Chernach[37] dino[25] darala imdedail[38] in chūicid[39]

  1. 1.0 1.1 bréc LU.
  2. Cocl¯ LU.
  3. ol LU.
  4. imbuaruch LU.
  5. rachúalasa LU.
  6. airdairc LU.
  7. son LU.; leg. són
  8. In ropom the stroke for m is later: ropa airdercsa LU.
  9. om. LU.
  10. naile LU.
  11. imchomairc LU.
  12. díambo LU.
  13. Roclunithar LU.
  14. a popa Chonchob˘ LU.
  15. co mmebaid LU.
  16. ina laim om. LU.
  17. deac LU.
  18. ar̆ is followed by an erasure
  19. imsói LU.
  20. fo on an erasure: fóiseom LU.
  21. charpat LU; leg. asin charput
  22. a feachtsa; fechtsa LU.; leg. in fechtsa
  23. cóema LU.
  24. na h on an erasure
  25. 25.0 25.1 25.2 25.3 dano LU.
  26. am maccam; in am the stroke for m is later; a maccán LU.
  27. riún LU.
  28. nEmna LU.
  29. cotnéicnigidar LU.
  30. slige LU.
  31. dō is on an erasure; the mark of abbreviation over do is joined to a down separating stroke between do and dino in the line above: ón dano LU.
  32. trá LU.
  33. on on an erasure
  34. na r is written in large letters and coloured red; na is on an erasure; r extends into the right margin: céin adindain LU.; leg. céin adnindain: cf. Wb. 14c20.
  35. int added later on left margin
  36. Fuait LU.
  37. om. LU.
  38. dorala imdegail LU.
  39. chóicid LU.