Page:Tain Bo Cuailnge.djvu/131

From Wikisource
Jump to navigation Jump to search
This page has been proofread.
119
TÁIN BÓ CÚAILNGE

charpait. Nistailcc Medb isin chath ar srengail nAileollo asin chath mad fair nomaidset nō ar guin Conchobair mad fair bad lēn. Is iarum roindis a ara do Choinchulaind bith do Ailill ⁊ do Meidb og guidhi[1] Ḟergusa im thecht isin cath ⁊ asbertadar fris nārbo chol dō, ar doradsad mōr do maith dō fora lonnges. "Ma nobith ēm mo c[h]laideb acomsa," ol Fergus, "beitis lir leamsa cendæ fer liæ[2] sceith˘ andāte bommann ega hi ngrellig donnicc echrad rīg o roroietar ditir."[3]

Is andsin dorad Fergus in lugusa: "Tongu, et reliqua; mebsaitis limsa glaini[4] fer dia mbrāigde, brāigde fear la ṅdōite, rigthi fer la nūaille, uile fer lan rigthe, [rigthe] fer la ndorndaib, dornna fer lan mēra, mēra fer la ningne, [ingne] fer la forclethi, forclethi fer la medōn, modōn fer la slīasta, slīastai fer la nglūne, glūne fer la colp[th]a, colpthai fer la traigthe, traigthi fer la mēra, mēra fer la ni[n]gne; dorucht faid am ederad na hæru feib dodrīmsired beach illō ainle."

Is andsin asbert Ailill re araid: "Domiceb in claideb cuilleis toind. Tongu do dīa toingeas mo thūath mad meso a blāth lat indiu olldās[5] al-laithi dondmbiurtsa duit isin liter i crīch nUlad, cia nobeidis fir hĒrind ocot anocol airimsa, nitansitis."

Is iarum dobreth a c[h]laideb do Ḟergus ⁊ asbert Ailill: "Geib do c[h]laideb ciassorseo hĒriu hūand ferfaid for Gāirig dia macaib morlōech mad la fir neinech nād bad fornn nimbræ do borann[6] borrfad barainn fiad nUlad errathaib la dīuscud Gāirigi far fotaib fesar la maten forderg. Fochen colad miel macrad caladcolc claideb Lēidi lasinta huath ōenhūair bodba beisemil macrad nai ardoirsib ata re tānic a ndīgail diu. Pa feithi fairtbe a cend consuidfea nacotaigfe coimdiu in claidiubsa cordib combaig aithscēlaib nī firba foraib galnas mo chlaidiub atanri ūallach [52 a] ria feraib hĒrend" "Is liach do thoitim i rōi remur," or Fergos fri hAilill. Cotogart Badb ⁊ Bē[7] Nēit ⁊ Neamain forro in aidchi sin for Gāirich ⁊ Irgāirich; conidbad cēt lōech dīb ara ūathbās. Nīrbo sī sin adaich ba sāmiu dōib.

Gaibid Fergus asuidiu a gaisced ⁊ imasāi isin chath ⁊ glanais berna cēt isin chath cona c[h]laideb ina dib lāmuib. Gabais Medb

  1. The mark of aspiration is later
  2. Originally uæ, but u has been changed into li
  3. The d added beneath first i
  4. The last letter is later on an erasure
  5. The s has been added above a
  6. no a added later over o
  7. Two letters erased after b; e inserted later on the erasure