Page:Tain Bo Cuailnge.djvu/101

From Wikisource
Jump to navigation Jump to search
This page has been proofread.
89
TÁIN BÓ CÚAILNGE

dar broinfeirtib[1] broine
docheṅgait int sligi,[2]
re tǣb baili in bili,
is būadach in būaid.

Is cū airctech[3] eigis,
is cairptech[4] glan gabus,
is seabac[5] sær soighes[6]
a eocho bo deas.
Demin lim da rūa
eich charpait in cūa
.....[7]
dobēra dūnd tres.

Dorairngert ōn uraid
mairc bīas isin tulaig
ar cind in con cubaid,
ticfa cebed chuin:
cū na hEmna Macha,
cū co ndelb cach datha,
cū chreichi, cū c[h]atha,
adcluinim, rocluin. Rocꝉ.

Tūarascbāil charpait Conculaind annso: in tres prīmcharpat na scēlaigeachta for Tānaich Bō Cūalnge.

"Cindus adchī Coinculaind?" arse, ar Fer Diad fria araid. "Atchīu" arse, "in carpat [38b] forḟairsiṅg fēta findglaine co tuing[8] ndor ōrdaib[9] co tarbc[h]lāraib umaidib co fersib[10] crēdumaib co lungetaib[11] findruine cona c[h]reit crœ̄stana[12] crōetirím cleasaird clocatchain curita ara taillfitis[13] secht nairm nilatha no ninflatha cain sosad a ḟlatha. Contacmaing in carpat sin carpat Conculaind co lūas faindle clīabaigi allaid tar cend machairi maigṡlēbe.[14] Is ē tricius ⁊ āttius imoroget, dāig is chucaind imthigit. Dafil didiu in carpatsin for dib echaib cendbeca cruindbeca coirrbega

  1. r has been altered from s; and over it s has ben added, leg. feirtsib: dar Breg Ross dar Braine LL., Wi. 3324
  2. s added later below
  3. t added later under c
  4. t added later under p
  5. s later above
  6. aspiration later
  7. For the missing portion of this verse LL. has: rafess ni ba tua
  8. leg. cuing
  9. leg. dronórda, Windisch, Táin, p. 489
  10. leg. fertsib
  11. There is an acute accent over the g
  12. the last a is faint on an erasure
  13. second l inserted later
  14. aspiration later