ᎤᎬᏫᏳᎯ ᏧᏬᏪᎳᏁᎸᎯ ᏗᏂᎳᏫᎩ.
ᎦᎸᏙᏗ ᎠᎴ ᎡᎳᏗ ᏗᏥᎳ ᏫᎩ.
ᎢᏳᏃ ᎯᎠ ᏱᏄᏍᏗ ᎢᏣᏓᏅᏖᏍᎬ , ᎯᎠ ᏗᏥᎳ ᏫᎩ ᎢᏥᏁᏨᎯ ᏥᎩ, ᎪᎯ ᎧᎸᎢ 1ᏎᏏᏁ ᎢᎦ, (ᏍᎩᏁᏤᎲ ᎢᏨᏃᏁᏗᏱ ᏂᎦᏛ ᎠᏕᎸ ᎠᏂᏩᏥᏂ ᎤᏂᎬᏫ ᏳᎯ ᏕᎬᎩᏁᎸ ᏅᏓᎬᏩᏓᎴ ᏅᏛ ᎤᏕᏘᏴᏌᏗᏒᎢ 1885, ᎠᎴ ᏂᏓᎬᏁᏔᏂᏙᎸᎢ ᎠᎴ ᎾᏍᏉ ᎢᎦᎢ ᏓᎩᎲᎢ Ꭲ Ᏻ ᏱᏓᎩᎭ ᎠᏰᎵ ᏗᏂᎳᏫᎩ ᎠᎾᏓᏅᏖᏍᎬ ᎢᏳᎾᎵᏍᏔᏂᏓᏍᏗ,) ᎢᏥᎨᏛᎲᏍᎬ ᏱᎩ ᏣᎳᎩᏱ ᎠᏰᎵ ᎠᏁᎯ ᎠᏕᎸ ᏄᎾᎵᏍᏔᏂᏙᎸᎢ, ᎯᎠ ᏄᏍᏗ Ꭲ ᏨᏃᏁᎭ; ᎠᏕᎸ ᎠᎦᏘᏯ ᏗᎦᏄᎵ ᏥᎨᏒ ᏓᏥᏁᎲᎩ ᎠᏰᎵ ᎠᏁᎯ , ᎠᎴ ᎾᏍᏉ ᎾᏍᎩ ᏓᎫᏴᏗᏍᎬᎩ ᎾᏍᎩ ᏄᏍᏛ ᏗᎧᎿᏩᏛᏍᏗ ᎤᏂᎲ ᏗᎧᎸ Ꭼ ᎤᎾᏕᏅᎯ ᎠᏂᏣᎳᎩ, ᎢᏯᏍᏘ ᎤᎳᎪᎭᏍᏛ 1837. ᎤᏕᏘᏴᏌᏗᏒᏃ 1841 ᎪᎯ ᎠᏕᎸ ᎠᎦᏘᏯ ᏕᏫ, ᎠᏰᎵ ᎠᏁᎯ, ᎠᎴ ᎪᏪᎵ ᏗᎾᏕᎶᏆᏍᎩ ᏧᎾ ᏤᎵ ᏓᏥᏁᎸᎩ.
ᎯᎠᏃ ᎪᎩ ᎤᏕᏘᏴᏌᏗᏒ 1838, (ᎾᎯᏳ ᎤᏂᏁᎸ ᎨᏥᏅᏏᏛ, ᎨᏥᏁᏤᎸ ᎠᏂᏩᏥᏂ ᎤᏂᎬᏫ ᏳᎯᏱ ᎬᏂᎨᏒ ᎢᏧᏅᏁᏗᏱ ᎤᏲ ᏃᎦᎵᏍᏓᏁᎵᏙᎲᎢ ᎠᎴ ᎤᏂᏔᏲᏍᏗᏱ ᎣᎩᏍᏕᎸᏗᏱ,) ᎿᏉ ᏦᎦᏤᎵ ᏴᏫ ᏕᎬᏩᏂᏴᎩᏅ ᎠᏂᏯᏫᏍᎩ ᎠᏂᏩᏥᏂ ᏧᎾᏤᎵᎦ , ᎠᏂᏍᏓᏱᏗᏍᎬ ᎤᏂᏰᎸᏒ ᎠᏍᎩᎾ -TᏲᏅ ᎧᏃᎮᏛ ᏚᏠᎯᏍᏛ ᎤᎵᏁᎢᏍᏔᏂᏙᎸᎢ , ᎾᎯᏳ Ꭿ Ꭰ ᏂᎨᎬ ᎾᏕᎬᎢ ᏕᎨᏥᏄᎪᏫᏏᏙᎸ ᏓᏂᏁᏙᎳᏗᏒᎢ, ᎢᎦᏛ ᎬᏩᏂᏱᎵᏐ ᎠᏂᏯᏫᏍᎩ ᏕᎬᏩᏂᏌᏍᏔᏂᏒ ᎡᏉᏂ ᎠᎴ ᏝᏬᏚᎯ ᏗᏐᏴ ᎠᎴ ᏙᏧᏂᎵᏦᏛ Ꮎ Ꮏ ᏫᏕᎨᏥᏴᏔᏅᎩ, ᎢᎦᏛᏃ ᎦᎶᏇ-ᏗᎦᏏC ᏗᏂᏁᎯ ᎬᏩᏂᏱᎵᏒ ᏥᏳᎯ ᏙᏗᏔᎸ ᏫᏙᎨᏥᏯᏂᎸᎢ. ᎣᏏᏳ ᎤᎾᏅᏔ ᏦᎦᏤᎵ ᏴᏫ ᏂᎦᎥ ᎤᏂᎩᎵᏲᏥᏙᎸᎢ ᎠᎴ ᏃᏒᎾ Ꮙ ᎠᏓᏅᏓᏗᏍᏗ ᏂᎦᎵᏍᏗᏍᎪ ᎢᏳ ᎠᏅᏓᏗᏍᏗ ᏂᎦᎵᏍᏔᏂᎦ ᏄᎾᏰᎯᏍᏛ ᏄᏅᏁᎸ ᎥᏳᎩ ᎠᎴ ᎠᏲᎱᏍᎩ, ᎠᎴ ᏄᏧᏈᏍᏛ ᎤᏲ ᏄᎾᎵᏍᏓᏁᎵᏙᎸ ᏧᎬᏩᎶᏗ ᎤᏂᏲᎢᏎᎸᎢ, ᎾᎯᏳ ᎬᏍᎦᎢᏍᏓᎩ ᏥᏂᎨᎬᏁᎲᎢ.
ᎾᎯᏳᏃ ᎯᎠ ᏂᎦᎵᏍᏔᏂᏙᎲᎩ, ᎨᏥᏅᏏᏛ ᏅᏣᏘ ᎠᎾᏟᏂᎬᏁᎲ ᎠᏂᏩᏥᏂ ᎤᏂᎬᏫᏳᎯ ᎤᎾᎦᏌᏯᏍᏙᏗᏱ ᏄᏍᏛ ᎠᏂᏣᏙᎳᎩ ᎤᎾᏚᎵᏍᎬᎢ, ᎾᏍᎩᏃ ᎯᎠ ᏫᏄᎵᏍᏔᏂᎸᎩ, (ᎶᏙᎳᎩ ᎤᎾᏓᏅᏍᏙᏗ) ᎤᏤᎵᏛ ᎤᎾᏁᏙᎳᏅᎩ ᏗᏂᎳᏫᎩ, ᏌᏉ ᎢᏳᏆᏗᏅᏛ ᎠᏍᎪᎯ ᏧᏈ ᏅᎦᏍᎪᎯ ᎦᎵᏉᎩᎦᎵ ᎢᏯᎦᏴᎵ ᎯᎠᏰᏃ ᎾᏍᎩ ᏄᎾᏁᏙᎳᏅᎾ ᏱᎨᏎᎢ ᏂᎦᏘᏰᏃ ᏧᎬ ᏩᎶᏗ ᎤᎪᎶᏏᏙᎸᎢ ᎯᎠ ᎤᎾᏓᏅᏒᎢ ᎠᏍᎩᎾᏰᏃᎢᏲᏅ ᎧᏃᎮᏛ ᏚᏠᎯᏍᏛ ᎤᎵᏁᎢᏍᏛᎢ ᏳᎪᎶᏎᎢ ᎾᏍᎩᏰᏃ Ꭲ ᏳᎵᏍᏙᏗᏱ ᎤᎾᏓᏅᏖᎴᎢ ᎧᏃᎮᏛ ᏗᎾᏠᎯᏍᏗᏍᎩ, ᎾᏍᎩᏰᏃ ᏥᏄᏍᏗ ᏧᎵᏁᎢᏍᏗ ᎾᏍᎩ ᎧᏃᎮᏛ ᏓᏠᎯᏍᏛᎢ ᎾᏍᎩᏃ ᎯᎠ ᎢᎦᎢ (ᎣᏂ) ᏧᎾᏁᎳᏅ ᎬᏩᎦᏘᏯ ᎤᏂᏁᏉᏤᎸ ᎠᏂᏣᏙᏙᎩ.
ᎢᎦᏛᏃ ᎾᏍᎩ ᎯᎠ ᎤᎾᏙᏣᎴᏛ ᏕᎨᏥᏁᎸ ᎨᏥᏅᏏᏛ, ᎾᏍᎩᏃ ᎯᎠ ᎠᏰᎵ ᏗᏂᎳᏫᎩ ᏕᎾᎫᏴᏔᏅ ᏣᎳᎩ ᎠᏰᎵ ᏕᎨᏥᏚᎬᎢ.
ᏄᏬᎯ ᏨᎾᏉᏃ ᎤᏂᎬᏫ ᏳᎯᏱ ᏭᏁᏙᎸᎯ ᎤᏂᎷᏨ ᎿᏉᏃ ᎤᎾᏓᏅᏖᎸ ᎤᏂᏲᏍᏙᏙᏗᏱ ᎦᏳᎳ ᎬᏩᏅᏬᎥᏗᏍᎬ ᎠᏂᏍᎦᏰᎬᏍᏓ ᎠᏂᏩᏥᏂ ᏧᎾᏤᎵᎦ ᎾᏍᎩᏃ
