ᎯᎠ ᎨᏥᏅᏏᏛ ᎥᎬ ᏩᏂᏁᏤᎸ ᎠᏰᎵ ᎦᎸᎳᏗ ᎠᎴ ᎡᎳᏗ ᏗᏂᎳᏫᎩ ᎠᎴ ᎤᏂᏣᏘ ᏂᎦᏘ ᏣᎳᎩ ᏧᏂᎳᏫ ᏨᎯ ᎨᏒᎢ , ᏧᎾ ᏓᏁᏤᏗᏱ ᎠᏍᎦᏰᎬᏍᏓ ᏍᎦᏥ ᏧᏂᎧᎲᏍᏗᏱ ᎤᏂᏣᏘ, ᎣᎬᏒ ᏦᎦᏤᎵ ᎠᏂᏍᎦᏯ. ᎯᎠᏃ ᎨᏥᏁᏤᎸ ᎾᏍᎩ ᎬᏂᎨᏒ ᏥᏂᎦᎵᏍᏗ ᎠᎴ ᏥᎤᏂᏍᏓᏱᏛ ᏚᎾᏜᏍᏔᏅᎢ , ᎾᏍᎩ ᎤᏂᎲᎢ ᎯᎠ ᎨᏥᏅᏏᏛ , ᎾᏍᎩ ᎯᎠ ᏥᏂᎦᏪᎭ, “ᎬᏩᏂᎮᏍᏗᏉ ᎯᎠ ᏗᎦᎸᏫᏍᏓᏁᏗ ᏄᏍᏛ ᎨᏥᏁᏤᎸᎢ , ᎬᏂ ᏂᎦᏘ ᏩᏂᏍᏆᏗᎸᎢ.”
ᎾᏍᎩᏃ ᎯᎠ ᏚᎾᏓᏁᏤᎸᎢ ᎢᎦᏛ ᎢᎬᏱ ᎦᏰᎯ ᎤᎫᏴᎲ ᎠᏍᎦᏰᎬᏍᏓ ᏍᎦᏥ ᎪᏣᎴᏛ ᎯᎠ (ᎤᎵᏍᏆᎸᏗ ᎤᎾᏁᎳᏅ ᎠᎴ ᎠᎾᏓᏅᏍᎬ ᎾᎿ ᏂᏓᏋᏁᏔᏂᏙᎸᎩ. ᎯᎠᏃ ᎤᏕᏘᏴᏌᏗᏒᎢ 1841 ᎠᏏ ᎤᎾᏓᏚᎬ ᎯᎠ ᎤᎾᏓᏅᏒ ᎪᎯ Ꮫ ᏥᏕᎩᎾᎯᏍᏓᏁᎲᎩ ᎤᎾᎫᏴᎲᎩ ᎾᏍᎩᏯ ᏄᏍᏛ ᎤᏂᏁᏨ ᎠᏰᎵ ᏗᏂᎳᏫᎩ TlᏏᏁ ᎢᎦ ᏅᏓᏕᏆ ᎧᎸ 18Ꮞ0 ᎾᏍᎩ ᎯᎠ ᎤᏙᏣᎴᏛ ᏥᏨᏁᎢᏍ ᏓᏁᎸᎢ ᎢᏨᏲᏪᎳᏁᎸᎢ ᎯᎠ ᏥᏄᏍᏗ;
“ᎯᎠᏃ ᏗᎨᏥᏰᎵᏒᎯ ᎡᏘ ᎤᎵᏍᏆᎸᏗ ᏔᎵᏁ ᏥᏕᏥᎳᏫᏨᎢ, ᎠᏆᎴᏅᎲ ᏓᏆᎫᏴᎲᎢ ᏚᎾᏓᏚᎬ ᎯᎠ ᎤᎾᏓᏅᏒ ᏙᎦᏓᏁᏤᎸ ᎠᏍᎦᏰᎬᏍᏓ ᏍᎦᏥ, ᎾᏍᎩ ᎠᏴ ᏗᎩᎸᏫᏍᏓᏁᏗ ᏥᎩ, ᏦᎢ ᎢᏯᏅᏙ ᎢᎪᎯᏛ ᏕᎦᎫᏱᏍᎬᎩ ᎬᏂ ᎤᏂᎬᏫ ᏳᎯᏱ ᏬᎦᏂᎩᏒ ᎢᏯᏍᏗ. ᎾᏍᎩᏃ ᎾᏞᎬᏉ ᎪᏪᎵ ᎣᏍᏛ ᏂᏕᎬᏁᎰᏅᎭ ᎯᎠ ᏤᎩᎸᏫᏍᏓᏁᎸ ᏂᎦᏗ ᎧᏃᎲᏍᎩ ᎠᎴ ᏓᏆᎫᏴᎲᎢ, ᎠᎴ ᏚᎾᏓᏚᎬ ᎠᏏ ᏦᎩᎸᏫᏍᏓᏁᎸᎯ ᎠᎴ ᏦᎦᏧᏴᏛ ᏂᎨᏒᎾ ᏥᎩ, ᎨᏨᎾᏄᎪᏫᏎᏗ ᎨᏎᏍᏗ ᎾᏍᎩ ᏦᎩᎸᏫᏍᏓᏁᏗᏱ ᏍᎩᏁᏤᎸᎯ ᏥᎩ.” ᎥᏝᏃ ᎠᏕᎸ ᏱᏓᎩᎭ ᏗᏂᎳᏫᎩ ᏧᏂᎸᏫᏍᏓᏁᏗ.
ᎯᎠ ᏣᏂᏁᎢᏍᏗ ᎪᏪᎵ ᎠᏔᏲᎯᎯ ᎢᎸᏍᎩ ᎢᏯᏂᏛ ᎠᏆᏅᎩᏱ ᏍᎦᏚᎩ ᎠᏁᎯ ᎤᏃᏪᎳᏅᎯ ᏥᎩ , ᎾᏍᎩ ᏥᏫᏍᎩᏅᏁᎸᎩ ᎾᏍᎩ ᎯᎠ ᏕᎠᏜᏍᏘᏍᎬ ᎯᎠ ᏄᏍᏗ ᎪᎵᏍᏗᏱ, ᏂᎯᏃ ᎢᏥᏁᏨᎯ ᏂᎦᎵᏍᏗᎭ , ᎾᏍᎩ ᏂᎦᏘ ᎠᏕᎸ ᎠᏴ ᏗᎩᎩᏛ ᎨᏒ ᎠᏂᏩᏥᏂ ᏚᎾᎫᏴᎡᎸ ᎠᏂᏣᎳᎩ ᏅᏓᎬᏩᏓᎴᏅᏛ ᎤᏕᏘᏴᏌᏗᏒ 1835, ᎠᎴ ᎬᏂᎨᏒ ᎠᏏ ᎢᏗᎬᏁᎸᎯ ᏂᎨᏒᎾ ᎨᏒᎢ. ᎾᏍᎩᏃ ᎯᎠ ᏔᎵ ᎪᏪᎵ ᏕᎠᏜᏍᏗᏍᎬᎢ, ᎯᎠ ᏄᏍᏗ ᎪᎵᏍᏗᏱ ᏂᎦᎵᏍᏗᎭ, ᎾᏍᏉ ᎯᎠ ᎠᏕᎸ ᏥᏚ ᎾᎫᏴᏔᏂᏙᎸ ᎠᏍᎩᎾ-TᏰᏅ ᏚᎾ ᏓᏁᏤᎸᎢ ᎾᏍᎩ ᎯᎠ ᏴᏫ ᎤᏂᏣᏘ ᎤᏂᎪᏩᏛᏗᏱ ᎠᏕᎸ Ꭴ Ꮎ ᏘᏴᎯ ᎤᏚᎩ ᎤᏅᏗ ᏥᏂᎨᎬᏁᎸᎢ ᎾᏍᎩᏃ ᎯᎠ ᏂᎦᏗᏳᏉ ᎠᏂᎦᏔᎭ ᏣᏙᎳᎩ ᏚᎾᏙᎥ ᏂᎪᎯᎸ Ꭴ Ꮎ ᏓᏱᎸᎯ ᎾᏍᎩ ᏚᎾ ᏓᏁᏤᎸᎢ ᎠᏴ ᎠᎴ ᎾᏍᏉ ᎠᏆᏓᏱᎸᎯ. ᎦᏙᏃ ᏱᎦᎵᏍᏙᏗ ᎠᏴ ᎤᎾᏘᏴᎯ ᎠᏕᎸ ᏱᏙᎦᏒᎦᎸᏍᎦ ᎾᎿ ᏚᎾᏓᏁᏤᎸ ᎠᏁᎯ? ᎠᏗᎾ ᎥᏝ ᎤᏜᏏᏛᎯ ᏱᎦᎩ, ᎤᏣᏘ Ꮪ ᎾᎫᏴᏔᏅ ᎾᎿ (ᎧᏃᎮᏛ ᏓᏠᎯᏍ) ᎤᎵᏁᎢᏍᏔᏂᏙᎸᎢ, ᎠᎴ ᏣᎳᎩ ᏧᏂᎩᏛ ᏂᎬᏅ, ᎾᏍᎩ ᎠᎴ ᎤᏣᏘ ᏚᏳᎪᏘ ᎠᎪᎵᏰᏗᏱ.
ᎥᏝ ᎪᏪᎵ ᏱᏓᎩᎾ ᎾᏍᎩ ᎯᎠ ᎧᏃᎮᏍᎩ ᏂᏚᏅᏁᎵᏤᎸᎢ ᎾᎿ ᏚᎾᏓᏁᏤᎸᎢ. ᎢᏳᏍᎩᏂ ᏂᎦᏘ ᎪᏪᎵ ᏦᎢᎦᏚ ᎢᏯᏂᏛ ᎧᏃᎮᏛ ᏓᏠᎯᏍᏛ ᎨᏥᏃᎢ Ꮝ ᏓᏁᎸᎯ ᎠᎴ ᏴᏫᏁᎬ ᎠᏕᎸ ᏧᎾᏍᎩᎵ ᏥᎨᎪᏎᎲᎩ , ᏕᎦᎳᏫᎥᎢ ᎠᎴ ᎤᏂᏣᏘ ᏱᏗᎦᎾᏄᎪᏫ 4Ꮈ ᎤᏣᏘᏍᎩᏂ ᎾᏍᎩ ᎯᎠ ᎬᏂᎨᏒ ᏱᏂᎦᎵᏍᏔᏂᎦ.
ᎠᏂᎦᏔᎭᏍᎩᏂ ᎠᏂᏣᎳᎩ, ᎾᏍᎩ ᎢᎸᏍᎩ ᎢᏳᏓᎴᎩ ᏥᎨᏗᏱᎵᏙ ᎠᏂᏩᏥᏂ ᎢᏧᎳ ᎠᏰᎵ ᎡᎯ ᎠᎴ ᎠᏂᏏᏴᏫᎭ ᎤᎾᏤᎵᎦ ᎠᏏ ᏅᏩᏍᏗᏉ, ᎠᎴᎤ
