24. Orèng Papoewa.
Kaotja'a è sèttong arè è bengkona kalèboen Raksa Tarona bădă kompolan tjè' sennengnga. Kompolan apa bha'nèngan djǎrèja? Tja'na orèng, padă njapot Malèk, sè bhoeroe dăteng dări sè alalana.
Malèk djărèja orèng è dhisa djădijă, tapè ella abit sè maèlang, maso' dhǎddhi pandjhoerit laèn naghără; orèng sadhisana tadă' sè ngèdinga bertana, la-mala èkèra ella matè, mangka tao-tao pas dǎteng. Orèng towana ella padă matè; ana'na tjoma Malèk sorang. Dhăddhi nalèkana Malèk dăteng djărèja ta'-nemmo sè èdjhoedjoeghi, molana pas mondhoek è bengkona kalèboenna. Ghă-tatangghăna Raksa Tarona ngèding, djhǎ' kalèboenna katamojan, ladjhoe padă njapot, terro taoa tamojja. Bhăreng tao, djha' Malèk sè dǎteng, kabbhi padǎ bhoenga, pas padă todjoe' ata-bhănta tjè' sennengnga, sambi ngènom biddhăng, ka'-angka'anna kalèboenna. Pangènomma ngasèroet èlambanè aroko' roko' kalobhoet. Tapè dhămarra sorem bhăi.
Dhinèng Malèk tjè' pèrakka ètemmonè băn orèng bănnja', ladjhoe njarèta'aghi lalakonna akanța è băbă arèja :
,,Tan-tarètan, abit ongghoe kaoelă sè tapèsa sareng dhisa ka'dinto; bǎnnja' sakalè naghǎră-naghără sè èkaonèngè, mèlaèpon bănnja' djhoeghăn tambăna paonèngan kaoelǎ.
