djhennèng, bănnja' na'kana'na paḍă manḍi sarta ngèdjhoeng tjè' bhoengana. Kèdjhoengnga na'-kana' djărèja sè èkaèḍing bhoeroe.
Bhăsana sengko napa' è sèttong ponḍhoek, pas paḍă amboe. Băkto djărèja sèngko' ngabăs ḍă' tèmor-ḍădjă nangalè tana rata Garoet. Songaj Tjimanoe katon agoe'lèggoe' akanta pita salaka, aghalirăp. E las-alas kènè', sè nganḍengngè tana rata Garoet djărèja, katon sa-ḍhisana. Kakabbhi sè ètangalè djarèja katon kènè' sakèng ḍări djhăoena.
Tao-tao sè katon bhoeroe èlang, sabăb băḍă tong-batong adjhălăn nopoè ghoenong akanta kalamboe sè nganḍengngè pangabasan. Sengko' kakabbhi paḍă ngotak sakèng tjelleppa, mangka nalèka djărèja ella pokol sabellas sèjang.
Sèngko tjè lèboerrà ngabhăssaghi paanapan sè ghoes-bhaghoes è djăḍija, nangèng bhăreng paman ngadjhăk molè, sèngko' pèrak.
Sanapa'na è Tjiserroepan sèngko' amboe polè, sabăb adjhălăn toron ḍări ghoenong rèja aba' tjè lèmpona, alebbian băn ghi paongghana. Nalèka sèngko' atolè ngabăs ka djhăoena, nangalè ghoenong Papanḍăjăn possa' boe-tomboeanna katon ngabhiroe, tèngghina 2660 M. E kangan katon ghoenong Tjikoraj. Kalamon orèng ngabăs bhăngonna, ijà pas tao mon djărèja ghoenong apoj. Adjhăoeăn polè sèngko nangalè bhărang tjelleng malanḍeng è attassa ghoenong Ghoentoer. Satèja sèngko' tao, mon sè tjelleng malanḍeng djărèja, ghoenong Ghoentoer.
Otja'na eppa' sè tjelleng malanḍeng djărèja bato otabă lahăr sè kalowar ḍări kabăna ghoenong Ghoentoer.
Kalamon taḍă alangan sengko' ijă èntara ḍă' assa abhăreng eppa'. Tapè, ella ka, sangsorat rèja pas lanḍjhang ghalloe, mon bhi-kabbhi ètolèsa; laèn arè bhăi mon sèngko' ella
