lempong djărèja èboewang sakonè', bă'na tao, bǎrămma ropana kabăna ghoenong Papanḍăjăn, apa polè bă'na ijă tao ra-ngèra, è ḍimma sèngko', nalèkana ngabăs ghoenong, sè dhoerdjhet akanța tèmbo' djărèja. Sèngko' ladjhoe terros adjhălăn è pèngghirră (tabingnga) kabă sè è ḍălem, pas napa è ḍhăsarră kabă. Aḍoe marèngèssa. E pèngghirrá dhăsar djarèja băḍă songajja kènè', aèngnga panas; dhinèng è nga'tengnga'anna ḍhăsar kalowar okos balirang sè panas. E băbă, è ḍălemanna ghoenong apoj djarèja, băḍă sowara aḍerreng, amarghă pangalkalla aèng băn parebbhăngnga apoj. E pan-bărămpan kennengngan tanana abăng-lobăng sarta ngataraè băḍă apojja. E ḍhăsar djărèja băḍă lorongnga kènè'. Mon orèng lèbat è djăḍijă kodhoe tè-ngatè. Eppa adjhoeddjhoeăghi tongketta è pèngghirra lorong djarèja, mangka tanana ladjhoe ngobhoes, kalowar okos bălirang. Dhăddhi saènggha băḍă orèng nèddhă' è djădijă, tantona pas tatjellet.
Sèngko adjhălăn noro' boentè' paman, sè ella tao djhălanna. Po-tèmpo mon băḍă angèn nampek ka mowa, okossa bălirang maso ka gherroengan, ḍăḍă rassana pas seksek.
Sèngko' tjè' tako'na enneng è djăḍijă, apa polè tao kèja ghoenong djărèja leddhoe' è sanèjap băkto. Molana sèngko' pèrak bhăreng paman abăli. Paman nondoe' on-laonan băn tè-ngatè ngala' bălirang sabăloekor. Bălirang djărèja pas leddjhar sărta panas.
Sanalèka séngko' kakabbhi paḍă amboe ding-ngèding-ngaghi sowara sè èkaèding. Saabiddhă băḍă è kaba djarèja taḍă' sowara sè èkaèḍing salaènna sowarana apoj è ḍălem ghoenong. Mangka nalèka djarèjă pas băḍă sowara akanța sowarana orèng ngèdjhoeng, halla taḍă' orèng sèttonga sè katon. ḍări dimma padatengnga sowara djarèja? Paman pas adhoedhing ḍă' băbă băḍă tjorana ḍălem mongghing è pèngghirră kabă; è ḍissa băḍă songajja kènè', aèngnga
