16
talèbat sennengnga. Arassa kamoktèanna taḍă' bhabhăndhinganna.
Nalèka Pa'na Asik njaota, djhărănna abhintal; Pa'na Asík taghaghǎs pas mella'; sanalèka talèbat ghettonna, sabab kamoldjă'ănna mosna njakalèjan, aba'na ètemmo aenneng è bengko ba'-djhoeba'; tjètakka palengngen pas ètjet-pètjet. Aba'na gheddhoer ta' njaman rassa; soko tanangnga sakè'an kakabbhi. Pa'na Asík ta' ènga' è dimma kennengnganna djărèja, pas mandjheng, adjhălăn kalowar; padjhălănna ding-tabhărinding kongsè napa' è lorong, ladjhoe terros molè. Bhăreng napa' è bengkona ngellona ban sakè'na aba'na ghi' ta' èlang molana pas matèḍoeng è lèntjak, tapè ta' ghellem njèddha. Pa'na Asík ghi' ènga' bhai ka mèmpèna. Apa sè èrassa'aghi băn ètangalè è dǎlem mèmpèna ghi' kaghǎmbhar è dălem pèkkèrra.
Pa'na Asík ta' anḍi' nakso ngakana, sarta ta' anḍi' karep apangghăbaja, tapè kapaksa kèja mastè alalakon. Mon ta' bǎrijă, apa sè èkakana; anangèng è dalemmanna alalakon arendhian bhai; mowana somengngèt ḍă' ana' binèna; sè èpèkkèrè laèn taḍă', tjoma mèmpèna; tjè' terrona amèmpèa tjara sè ella rowa polè.
Bekkasanna Pa'na Asík ta' kellar nahan pangaterrona, molana pas adhăndhăn ganteng, ladjhoe mangkat ka kotta adjhoedjhoek ka bengko pamadhädhän; è djadija nekka'aghi karep, amadhăt polè.
Bhăreng ella arassa toboek pas molè. Sanapa'na è bengkona aba'na arassa sakè'an kakabbhi, asara'an băn sè dhǎlloe.
Bit-abit Pa'na Asík sè amadhat atamba nèngko. Abǎ'na koros, mowana potè olaj; ta' patè dhoedjan ngakan; tjè' momossa, ta' enda' alalakon sakalè. Para sabbhän arè èntar ka kotta mellè tjandhoe.
E sèttongnga arè Pa'na Asík ta' anḍi' pèssè, mangka ella kataghiǎn; sakèng potekka ta' anḍi' pèssè, pas angghoejjǎ
