15
Asík todoes sè abala'ă ka kantjana. Bhareng okossa kalowar kakabbhi lebat è èlongnga, Pa'na Asík arassa palengngen, aba'na ghätellan kakabbhi, ija djărèja maboe'na tjandhoe, pas robbhoe aghentang è djhăngka', terros tèḍoeng tjè' njamanna, akanța kennèng pangsèrep.
Pa'na Asík pas amèmpè talebat sennengnga; pangrasana aengghoen è sèttong bengko gheddhoeng radjă talèbat bhaghoessa, akanta karaton; nor-dhoenorra bănnja', lakè' binè' pada băḍă. Katodjoe'anna è baboet, sè tjè' alossa bän empo'na, ella sárat kasor; bhäntalla aoles sottra alos tjè' endhana. Nor-dhoenorra angghoejja njar-anjar sarta ghoes-bhaghoes èmo' aladhinè ghoestèna; băḍă sè nampa pèrèng salaka aèssè kakanan sè man-njaman, sabannè ngèbă ghellas karistal ngatjèrnang aèssè mènoman sè mat- nè'mat; anggoer, poret, sampanje ta' kakorangan Ghoestè Pa'na Asík pas adhă'ăr ngangghoej sindoé băn tjotjo' emmas. Marè adha'ar pas apasèar nètè'è rata ègha-rengghă sanarbha emmas, katodjoe'ănna sottra djhingghă. Djhăḍrănna dadoewa' paḍă dja-radja, padjhălănna apandjăl. Ghem-aghemmanna Ghoestè Pa'na Asík sanarbhă èndha. Aba'na ella sarat rebbhang sakèng bannja'na ènten barlèjan. È kasangnga possa aèssè pèssè dinar. Rèng-orèng sè lèbăt è lorong bhareng nangalè ghoestèna pas padă nèngkong sarta njembha. Pèppè gărăngnga Pa'na Asík ella sasat dhaddhi rato. Ta' antara abit padjhalanna lèbat è ba-saba, sè tjè' dhăddhina; padina ella towa ngakonèng akanța emmas sè ètaboer. Rèng-orèng sè neng è saba padă njandher njabis ghoestèna sarta nèngkong, atorra: "Ghoestè, ka'ḍinto kaaghoenganna saba sakalangkong dhaddhièpon sarengngan ampon towa; bila sè èanjèa, ngèrèng dhaboe."
Pa'na Asik ngèding otja'na orèng, sè ngadhep djărèja,
