makaisip sadto nga ehersito sang mga larawan kag makasugid
sang mga sari kag mga kahimpitan nga didto nanginbahandi?
Ang isa ka bahin indi makaigo! Wala’y sapayan indi naton
pagligaran sa hipos ang isa ka matahum nga S. Miguel sa
kahoy nga pinulog kag dinuagan, nga may kataas nga isa
ka metro: ang arkanhel nga nagkagat sang naubos niya nga
bibig, nagbaga ang iya mga mata, nagkunot ang agtang kag nagpalamula ang iya mga pisngi: naghugakom sang taming nga Gresyanhon kag nagbakyaw sa iya tuo nga kamot sang kris nga hinimb
sa Jolo, nga handa sa paglabo sang tumoluo ukon sang sin-o man
nga magpalapit (suno sa paghangop sa iya huyog kag panulok)
sangsa isa ka yawa nga malaba sing ikog kag may mga sungay
nga nagpadulot sang iya mga ngipon sa iya paa nga daw iya sang
lin-ay. Si Kapitan Tiago wala gid sa iya pagpalapit kay nahadlok
sia nga mamilagrohan. Makapila mahanabb nga wala mabuhi ang
kapin sa isa ka larawan nga malain ang pagsikyap subong sang
mga naggulowa sa mga pamandayan sa Paete,5 sa pagpatalang
kag sa pagsilot sa mga makasasala nga wala pagtuo? Nabantugan
nga ang isa ka Kristo gikan sa Espana, nga ginpangayb nga magpanaksi sa mga panug-an sa paghigugma, sa atubangan sang
hukom nagtangdb nga humolag sang iya ulo, nga ang isa ka Kris
to nahukas ang isa niya ka butkon nga tuo sa paghakos kay Sta.
Lutgarda kag ano? Wala bala sia makabasa sang isa ka diutay
nga libro, nga ginbalhag sang wala pa lang madugay nahanungod
sang sermon nga ginhagyb, ginwali sang isa ka larawan ni Sto.
Domingo sa Soriano? Ang Santos wala sing ginmitlang nga isa
ka taga, apang sa iya mga hagyii nahangpan ukon ginhangop sang
tagsulat sang diutay nga tulon-an nga nagpabalasan sang katapusan sang kalibutan. Wala bala pagsugira nga ang Birhen sang Luta
sa banwa sang Lipa may isa ka pisngi nga naghabok sangsa isa
kag nabulit sang lunang ang sidsid sang iya bestido? Indi bala
ini nagpamatuod sa pag-isip-isip nga ang mga balaan nga larawan
nagdalayan man nga wala pagbalakinga ang bestido kag tubtob
(5) Paete — Isa ka banwa sa pudd sang Laguna. Diri nagahalin ang labing’ maayo nga mga hinimoan nga linukit sa kahoy ukon bato. Ang patay na nga si Don Francisco de Iriarte, nga alkalde mayor anay sang sinambit nga pu6d sa malawig nga mga tinuig, nagpahimo sing isa ka matahum kaayo nga silyeriya, sa dagway nga dinumaan, sa malahalon nga mga kahoy kag may halop nga mga tipay, sa tuyo nga idulot niya kay D. Alfonso XII nga Harf sang Espana. Apang sang mapatay ang Hari ang natapos Jamang apat ukon lima ka bilog; sa likod sang tagsa ka siya nalukit ang mga gin-agihan ni Quijote sa malagpad nga mga marpil.
