panimalay ni Kapitan Tiago, kag ginasiling naton nga mga dios sa
panimalay, tungod ini nga tawo labi nga nagatuo sa madamo nga
dios sangsa isa lamang ka dios nga wala gid niya mahangpi. Didto
makita ang mga larawan sang Balaan nga Panimalay3 nga busto
kag ang mga utbong marpil, mga mata nga kristal, malagba nga
mga amimilok, kag mga buhok nga mapulapola kag kulong,
nga hinimo sang mga batid sa eskultura sa Sta. Cruz.4
Mga
kwadro nga dinuagan sa oleyo sang mga mandudoag sa Paco
kag Ermita, nagpakita sang mga pagbatas sang mga santos, mga
milagro sang Birhen kag iban pa; si Santa Lucia nagtulok sa langit kag nagdala sa isa ka pinggan sang liwan nga duha ka mata
nga may mga amimilok kag mga kilay, subong sang makita nga
dinuag sa triangulo sang Trinidad ukon sa mga pantyon sang mga
chiptohanon; sanday S. Pascual Bayion, S. Antonio de Padua nga
may sotana nga ginggon, nagtulok kag naghibi sa isa ka Bata nga
si Jesus nga nagpanapot sang iya sang Kapitan Heneral, nagkalo
sing may tatlo ka pamusod, may sable kag may botas subong sa
saut sang kabataan sa Madrid: ini sa kay Kapitan Tiago nagkahulogan nga bisan idugang pa sa kagamhanan sang Dios ang gahum
sang isa ka Kapitan Heneral sa Filipinas, sa gihapon hampangan
sia sang mga pransiskano subong sang isa ka munyeko. Makita
man ang isa ka S. Antonio Abad nga may isa ka baboy sa iya luyo,
baboy nga sa talahaon nga Kapitan milagroso man katulad sang
amo nga santos, tungod sina nga katarungan wala ginapangahasi
ang pagtawag sa iya nga baboy kundi tinuga ni Santo Senyor S.
Antonio; isa ka S. Francisco de Asis nga may pito ka pakpak kag
ang sotana duag nga daw kape, nga nabutang sa ibabaw sang isa
ka S. Vicente nga may duha lamang ka pakpak apang sa baylo
nagdala sang isa ka kornetin; isa ka S. Pedro Martir nga ang iya
ulo pinihak sang talibong sang makasasala, nga nabuyotan sang
isa ka di-mainunungon nga nagluhod, sa luyo sang isa ka S. Pedro
nga naggulot sang dulonggan sang isa ka moros, nga si Malco
wala’y duhadoha, nga nagkagat sang iya mga bibig, kag nagkuriit sa kasakit, samtang ang isa ka inogbulang nga manok nagpamalo kag nagkuyaphad sa ibabaw sang barahubal nga haligi,
nga sa sini ginhangop ni Kapitan Tiago nga agud mangin-santos
angay lamang ang maglabo kag ang magpalabo.
Sin-o ang
(3) Balaan nga Panimalay — Sa sini nga panimalay nalakip sanday San Jose, si Birhen Maria kag ang bata nga si Jesus.
(4) Eskultura sa Santa Cruz — Ang Santa Cruz, sarang masiling nga . amo ang duyan sang nahauna nga mga makdambungon nga manilan-on. Sa sini nga pu'ik nagkalatawo ang nahauna nga mga platero, mga eskultor, mga manograbar, mga pintor kag pati ang mga musiko.
