ANG TUGHAPÓN SANG PANGHINGÁPOS547
sang Senyor ang iya halarán sa kombento kag wala na pagpamatî sang mga pangamuyò? Indi balá magpahanugot ang mga takóp sang mga lulobngan nga ang pagpaninguha sang kalag
magsakà tubtob sa dambana sang Labíng' Maluluy-on?
Ang bagyo nagtuman kabaskog sa sulód sang bug-os nga gab-i; sang bilóg nga gab-i walâ sing nagbutlak bisán isá ka bitùon; ang mga panghayhay, nga nagsamò sa hagong sang hangin, nagpadayon apang nasapwan nila nga bungól ang kinaugali kag ang mga tawo: ang Diwa nagbantay apang wala pagpamatì.
Sang madason nga adlaw, sang makakasán ang langit sang madulóm nga mga gal-um, ang adlaw sumilak na man sa tungâ sang natinloán nga taliwalà, may isá ka karwahe nga nagdulog sa ganhàan sang kombento sang Sta. Clara kag nanaog ang isá ka tawo, nga nagpakilala nga isá ka tiglawás sang Pundan kag nangayò siá nga mahambal gilayón sa abadesa ukon tagtatap sang kombento kag mapakigkità sa tanán nga mongha.
Ginsugid nga may isá nga nagpakità nga may ábito nga lunsay nabasâ, mga gisión, kag naghibî kag nagpanumbunganon sang mga makakulogmat nangayù sang bulig sang tawo batok sa mga kalakasán sang pagka-malikumon (hipocresía). Ginsugid man nga siá tuman kaayuayo, nga may labing' matahúm kag daw naghambal nga mga matá nga walâ pa makità sa ibán.
Walâ siá pagpamatii sang tiglawás sang Punòan: nagpakigsugilanon siá sa abadesa kag gintalikdan siá wala'y sapayán sang iya pagpakitlùoy kag paghibî. Nakità sang pamatan-on nga mongha ang pagtakóp sang ganhàan sa likód sang tawo, katulad sang pagtakóp sa isá ka kalág nga ginsikway sang ganhàan sa langit kon mahanabò kon kis-a nga ang langit magmapintas kaayo katulad man sang mga tawo. Ang abadesa nagsilíng nga isá yadto ka buang.
Ang tawo ayhan walâ man makasayod nga sa Manila may isá ka palabulngan sang mga buang, ukón ayhan nagłaúm siá nga ang kombento sang mga mongha isá lamang ka alaypan sang mga buang, bisán pa abi magpakunókuno nga yadto nga tawo tuman ka pakok, labí na gid, sa pagkilala kon balá ang isá ka tawo yarà sa iya matadlong nga panumdoman ukon indì.
