ANG PAGLAGÁS SA LINAW525
kilán ang mga kapasete kag mga bayoneta sang mga gwardya
sibil.
—Nadakóp kitá — Kíbot niya nga nagpalangluspad.
Tinulok niya ang iya makusog nga mga butkon kag hinimò niya ang katapusan nga kalalangan nga iya mahimò, sinugdan niya ang pagbugsay sa bug-os niya nga kusóg pakadto sa Pulo sang Talim.³ Nián, ang adlaw naglaaw na. Ang baroto nagdalagan sing madasig; nakità ni Elías sa bote nga naglikô ang pila ka tawo nga nagtilindog nga naghagyò sa iya.
Makahibaló ka magbugsay sang baroto? — Pamangkot niya kay Ibarra.
—Hùo, ngaa?
—Kay madakpan kitá kon indì akó maglumpat sa tubig sa pagpatalang sa ila. Lagson nila akó, malangóy akó kag masalum sing maayo . . . ilikáw ko silá sa imo, kag sa ulihe tinguhaón mo ang paglwás sa imo kaugalingon.
—Indì, pabilin ka kag ibaligya naton sing mahal ang aton mga kabuhi!
—Walâ sing pulós, walâ kitá sing mga pusíl, kag sa ila mga pusíl patyon nila kitá subong sang mga pispis.
Sa amó nga tión nabatián ang isá ka tsis sa tubig katulad sang pagkahulog sang isá ka butáng nga mainit, nga ginsundan gilayón sang isá ka lupók.
—Nakità mo? — Siling ni Elías nga binutáng niya ang bugsay sa baroto! Magakitaáy kitá sa Notse Bwena, sa lulobngan sang imo lolo. Lwasá ang imo kaugalingon!
—Kag ikaw?
—Ang Diwa naglwás sa akon sa dalagkò nga mga katalagman.
Inuba ni Elías ang iya bayù; isá ka bala ang sumisi sini sa
iya mga kamót, kag duhá ka lupók ang nabatián. Walâ matublag, kinamusta niya ang kamót ni Ibarra, nga padayon nag-untay
sa sulód sang baroto; tumindog siá kag lumompat sa tubig, nga
sinikaran sang iya tiíl ang diutay nga baroto.
____________
Pulo sang Talim — Sa Aminhan-nakatundan sang Los Baños may isa ka diutay nga linaw sa alimpulos sang isa ka dumaan nga bolkan, nga ginalibutan sang madamol nga bukid, nga gintawag sang mga tagalog nga "Dagatan" kag amo ini ang Pulo sang Talim. Sa tunga sini may nagatiundo nga bukid nga ginatawag nga "Sosong Dalaga."
