524NOLI ME TÁNGERE
Padayon nga mahipos silá tubtob nga nakaabót sa Malapad-nga-bato.2 Silá nga nagbugsay sa subâ sang Pasig, sa isá sadtong' labing' masilì nga mga kagab-ihon nga matanyag sang Filipinas, nga ang bulan nagwagwag kutob sa masinaw nga tagumnon nga langit sang mamingaw nga binalaybay; nga ang mga landong nagtago sang mga kalisód sang katawohan kag ang kalinóng nagpugóng sang mga hungáw nila nga pagbakhò; nga ang naghambal lamang amó ang kinaugali, inâ tanán makahangóp sang ginpanghunâhonà sang duhá ka pamatan-on.
Sa Malapad-nga-bató, ang karabinero gintuyó, kag, sanglit nakita niya nga ang baroto walâ sing unód kag walâ sing bisán anó nga saráng madakóp sunô sa kinabatasan sang iya gubán kag naandan sa amó nga balantayan, pinabay-an silá nga nag-agi.
Ang gwardiya sibil sang Pasig walâ man makamutík sing maskin anó, kag walâ silá pagtublaga.
Nagnasnas ang kaagahon sang mag-abót silá sa linaw, nga masinaw kag malinóng katulad sang daků nga espeho. Ang bulan naglus-aw kag ang sidlangán ginlugom sang duág nga mapulapola. Sa antad nahilóm nila ang isá ka gubán nga abu- abuhon nga nag-amát palapít sa ila.
—Ang bote nagapalapit, — kibot ni Elías, — paghigdà kay tabunan ko ikaw sini nga mga sako.
Ang dagway sang bote nag-amát athag kag makilala.
—Nagapatungâ siá sa baybayon kag sa aton, — hambal ni Elías nga ginkibáng.
Kag linisò niya sing amát-amát ang dulong sang iya baroto, nga binugsayán niya pakadto sa Binangonan. Sa iya daků nga katingala nakità niya nga ang bote nagliwát man sing dulong, samtang isá ka tingog nagsinggit sa iya.
Dumulog si Elías kag magpanumdom. Ang higád malayô
pa kag sa madali malambot silá sang mga luthang sang mga
soldado sa bote. Naghunâhonà siá sa pagbalik sa Pasig: ang
iya baroto madasig sangsa bote. Apang, labí nga malain! May
isá ka baroto nga nag-abót halín sa Pasig, kag nakità nga nag-
___________
(2) Malapad-na-bato — Amo ini ang pagtawag sang isa ka bato nga nagahilayon sa atubang sang isa ka bato nga binutang sang mga karabinero nga nagbantay sang mga ibalaligya sa Pasig.
