SI MARÍA CLARA NAGPAKASÁL509
si Gg. Guevara, nga labí ka masulub-on sangsa una; ang alpéres
nga nagsugid sing makalibo sang iya pagpakig-away, nga nagtulok
sa ibabaw sang iya mga abaga sa tanán, nga nagtùo nga siá isá
ka don Juan de Austria; karón tenyente na siá nga may grado
sang komandante; si De Espadaña nga nagtulok sa iya nga may
kataha kag kahadlok kag naglikáw sang iya mga panulok, kag si
Donya Victorina nga naakig. Si Linares walâ pa makaabót, sanglit, tawo nga labing' mahál sa amó nga tión, dapat siá maulihé
kaayo sa pag-abót sangsa ibán: may mga tawo nga maalam kaayo
maghimulós nga sa isá ka taknà nga awát sa tanán nahimò silá
nga mga dalagkò nga tawo.
Sa gubán sang mga babác yarà si María Clara nga amó lamang ang ginahutikhotik sang tanán: ang pamatan-on nga babae nakayaób sa ila kag binaton silá nga may katahuran, nga walâ madulà ang iya masulub-on nga pangnawóng.
—Psh! — Siling sang isá ka pamatan-on nga babác, — kabugalón...
—Maayuayo, — sabát sang isá, — apang siá saráng makapili sang isá ka babae nga may nawóng nga kubós sinâ sa kabuang.
—Ang bulawan, inday; ang maambong nga pamatan-on saráng mabaligyà.
Sa ibán nga bahin ginahambal.
—Mapakasál samtang ang isá ka nobyo bilitayón!
— Inâ ang ginatawag nakon nga isá ka pagpangaman; maghandà sang isá nga igabulós.
—Gani, kon siá mabalo . . .
Iní nga mga hinambalhambal ayhan nabatián sang pamatan-on nga dalaga, nga nagpungkò sa isá ka siya, nga nagkaayo sang isá ka bandeha sang mga bulak, kay nakita nga nagkurog ang iya kamót, nagpalangluspad kag makapilá niya ginkagát ang iya mga bibíg.
Sa gubán sang mga lalaki, ang sinugilanon mabaskog, kag, ang ginhambalán lamang amó ang katapusan nga mga nagkahanabò. Ang tanan naghinambal, patí si D. Tiburcio, lwás lamang si P. Sibyla nga naghipos nga may pagtamay.
—Nakabati ako nga ginhambal nga bayaan nimo Reberensya, ang banwa, P. Salví? — Pamangkot sang bag-o nga tenyente nga sa iya nagpahamuot ang iya bag-o nga bituon.
