Fr. Sibyla, amo man nga Fr. Sibyla naghambal sa iya, kag si Donya Victorina nagpahamtang sa matahum nga buhok sang lin-ay nga
pamatan on sang isa ka tinuhog nga mga mutya kag mga batomaidlak nga ang il^mga kilan nag-umpok sa maanyag nga mga duag
sang prisma. Maputi sia, tuman gid kaputi sa amo nga tion; ang iya
mga mata nga sa masunson nagtamod, nagpakita sang isa ka kalag
nga putli kon sia tumongkaaw, kag kon sia magkulokadlaw kag
magpakita sang mga maputi kag magagming nga mga ngipon,
sarang masiling nga ang isa ka bulak isa lamang ka tanumtanom
kag ang marpil, isa lamang ka bangkil sang elepante. Sa nagsihag
nga panapot nga pinya kag palibot sa iya maputi kag nabanhay
sing maanyag nga liog nagpalangilay, subong sang ginasiling sang
mga tagalog, ang masinadyahon nga mga mata sang isa ka lugway
sang mga batomaidlak. May isa lamang ka tawo nga wala gid
bumatyag sang iya mga kagayunan kon sarang mahambal: ini amo
ang isa ka pamatan-on nga pransiskano, maniwang, tagas, maluspad, nga nagtulok sa iya nga wala paghulag kutob sa malayo katulad sang isa ka batdaan, nga daw wala pagginhawa.
Apang si Ibarra wala gid sing nakita sini: ang iya mga mata nagtan-aw sa iban nga butang. Apat ka hublas kag mahigkb nga mga dingding naglikop sa isa ka diutay nga duog; sa isa ka dingding, sa hitaas, may isa ka giha nga narehasan. Sa ibabaw sang mahigkb kag magim-ang nga salog, may isa ka banig kag sa banig may isa ka tigulang nga nag-ugayong: ang tigulang nga nagaginhawa sing mapin-ot, pinalibot niya sa tanan nga bahin ang iya panulok kag nagmitlang sia nga naghibi sang isa ka ngalan: ang tigulang isa lamang; masunson mabatian ang ragusros sang isa ka kadena ukon ugayong sa pihak sang dingding ... kag karon didto iya sa unhan may isa ka masadya nga pandot, sa pagkatutuo hinuboghubog; isa ka pamatan-on nagkadlaw, nagsinggit, nagbubb sang alak sa mga bulak sa mga pinalakpak kag sa hinubog nga pangadlaw sang iban. Kag ang tigulang may kaangay nga pangnawong sa iya amay, ang pamatan-on nagkaangay-angay sa iya, kag ang ngalan nga ginmitlang sang tigulang nga naghibi amo ang iya!
Ini ang nakita sang wala’y palad nga pamatan-on sa iya atubangan.
Pinalong ang mga suga sa pihak nga balay, umontat ang musika kag ang ginahod, apang ginpamatian gihapon ni Ibarra
