hwisyo; nagsulogid nga sia may kaangtanan sa mga buyong agud
indi nila pagtandugon ang iya mga hayop kag mga tanum. Sa
katapusan nagumon ang kasab^ sa bagay nga sang matuigan wala
na sing makahangop. Bumiya ang alkaldc sa iya palangakban;
bumulos ang isa nga may kabantugan sa pagkamatarong, apang
ini, sa malain nga palad, halos nangakb sing pila lamang ka bulan;
kag ang bumulos sa iya tuman kamaluyagon sang mga maayo nga
kabayo.
— Ang mga pag-antos, ang mga paglainay, ang pagkahim-ong sang sulod sang bilanggban uk6n ang kasakit sa pagtan-aw sang madamb nga dimatinagubaluson, lumiwat sang iya daw salsaion nga panglawason kag nagmasakit sia sa sina nga kalainan nga ang lulobngan lamang amo ang makabulong. Kag sang madali na lang matapos ang tanan, kag sang hilwayon na sia sa mga panumbong sang iya mga kaaway sa iya Pungsod, kag sa kamatayon sang manunukot napatay sia sa bilanggban nga wala sa iya luyo sing bisan sin-o. Nag-abot ako sa pagtan-aw sang iya katapusan nga pagtinga.
Humipos ang tigulang; si Ibarra wala magbungat sing bisan isa ka taga. Nakaabot na sila sa ganhaan sang kwartel. Dumulog ang militar kag hinatag niya ang iya kamot sa iya, nagsiling sia: — Pamatan-on, ang magagmay nga mga hilisayran pangayba kay Kapitan Tiago; nian, maayong’ gab-i! Kinahanglan nga tan-awon ko kon ang bag-o nga nagkahanabo.
Dinawo ni Ibarra sing mabinatyagon, sa hipos, yadto’ng kamot nga daw tul-an, kag sa kalinong sinunod niya ang tigulang sang iya mga mata tubtob sia nadula.
Hinay nga bumalik sia kag nakita niya ang isa ka kalesa nga lumabay; hinagyban niya ang kutsero.
— Sa Otel ni Lala.9 — Siling niya sa tinaga nga halos mabatian.
—Ini ayhan bag-o lamang maghalin a bilanggban, — ang hunahona sang kutsero sa iya kaugalingon, nga linatigo niya ang iya mga kabayo.
(9) Otel ni Lala — Si Lala Ari isa ka indyo nga ingles nga nagbukas sing mga otel kag nag-agum sing daku nga kabantugan sang iya panahon tungod sa kaayo sang iya pangluto. Sa duog karon nga ginatindugan sang Bazar Siglo XX sa Plasa del Conde didto ang nahauna nga balay, nga sang ulihe ginsaylo sa Escolta sa duog nga sa karon amo ang Balay Paris kag sang ulihe pa gid nagsaylo sa Intxamuros diin anay ang mga talatapan sang Senso.
