- 441
—Aaa! Indi makaligtas; daw nakita ko na sia.
—Indi ako magsaydp sa iya sa iban, bisan magkaangay-angay pa sa iya.
Kag ang duha ka soldado nagpadayon sang ila pagbantay Sa sanag sang mga parol makita na man naton ang duha ka landong nga nagsundanay nga nagtiid. Ang isa ka mabaskog nga quien vive? putnadulog sang duha, kag ang nahauna nagsabat, Espana! sa tingog nga nagkurog.
Ginuyod sia sang mga soldado kag dinala nila sa ila parol sa pagkilala sa iya. Sia si Lucas, apang ang mga soldado nangduhadoha kag nagtulokay sila nga daw nagpainangkutay sa panulok.
—Ang Alperes wala magsiling nga sia may pinalian! — Siling sang bisaya sing mahinay. — Diin ka makadto?
—Sa pagsugb sang isa ka misa bwas.
—Wala mo makita si Elias?
Wala ko sia makilala, ginuo! — Sabat ni Lucas.
—Wala ako nagapamangkot sa imo kon nakilala mo sia, tonto! Wala man namon sia makilala; ginapamangkot ko ikaw kon nakita mo sia.
—Wala, ginuo.
—Pamati sing maayo, ihatag ko sa imo ang iya mga tanda. Ang tindog kon kis-a mataas, kon kis-a kasarangan; buhok kag mga mata, maitum; ang iban tanan kasarangan, — siling sang bisaya. — Nakilala na nimo sia karon?
—Wala, ginuo! — sabat ni Lucas nga binuang.
—Kon amo, sulong! lHarasharas, putro! — kag tinikwang nila sia.
—Nakahibalo ka kon ngaa nga sa alperes mataas si Elias kag sa kura kasarangan? — Pamangkot sang tagalog sa bisaya nga nanumdom.
—Wala.
—Kay ang alperes nalubong sa lunang sang magtulok sa iya kag ang kura nagtindog.
—Matuod! — Sabat sang bisaya. — May kinaalam ka . . . tungod bala kay ikaw gwardya sibil?
—Indi amo gid man ako sina; isa anay ako ka kontrabandista, — sabat sang tagalog nga naghagak.
