- 421
—Ang pagpanibag-o sang mga pari ... — Sabat ni Elias sa tingog nga mabugnaw kag masubo. — Ang mga wala’y palad nagapangayo sing labi nga pagpangapin batok sa ...
—Batok sa mga katilingban sang pagtuluohan?
—Batok sa ila mga manlulopig, ginuo.
—Nalipat na bala ang Filipinas sa mga nautang niya sa sini nga mga Katilingban? Nalipat na bala sia sang iya daku nga na utang nga kabalaslan sa mga nagkuha sa ila gikan sa kasaypanan agud hatagan sila sing pagtuo, sa mga nag-apin sa ila batok sa mga pagpamintas sang mga gumalahom nga sibil? Yari dirx ang kalainan nga wala matun-i ang maragtas sang pungsod!
Si Elias, nga natingala, halos magpati sa iya nabatian.
—Ginuo, — sabat niya sa tingog nga maligdong, — ginasumbong nimo ang banwa nga indi matinagubaluson, pahanugoti nga ako, isa sa banwa nga nagaantos, maapin sa banwa. Ang mga ka balaslan nga ginapautang, agud may kinamatarong nga pagkilalahon, indi dapat nga may likum nga tinutuyb. Kalimtan naton ang misyon, ang kaluoy nga kristuhanon, nga nahimo na gid; pabay-an naton ang maragtas, indi na kita magpamangkot kon ano ang nahimo sang Espana sa banwa sang mga hudiyo, nga nakahatag sa bug-os nga Europa sing isa ka tulon-an, isa ka pagtuliiohan kag isa ka Diwa; kon ano ang iya nahimo sa banwa nga Arabe nga nakahatag sa iya sing kinaalam, nga mapailubon sa iya pagtuliiohan kag nakapabugtaw sang iya bugal sa kaugalingon nga pungsod, nga sinablagan, nga halos nabungkag sang panahon sang paggahum sang mga romanhon kag mga godanhon. Nagasiling ka nga ginhatagan nila kita sing pagtuliiohan kag kinuha nila kita sa kasaypanan; ginatawag mo nga pagtuo ina’ng mga ginahimb nila sa Iwas, pagtuliiohan ina’ng pagpamaligaya sang mga koreya kag mga cskapularyo, kamatuoran ina’ng mga milagro kag ang mga sugilanon nga ginapamatian naton sa tanan nga adlaw? Amo bala ini ang pagbulot-an ni Jesucristo? Tungdd sini indi kinahanglan ang isa ka Diwa nga magpalansang bisan kita nga piliton naton ang aton kaugalingon sa isa ka wala’y katapusan nga ka balaslan: ang binabaylan nga pagtuo dugay na kaayo nga nagluntad, kinahanglan lamang nga pahimpiton, kag pasakaan ang bill sang mga balaklon. Masiling ka sa akon, nga wala’y sapayan sang pagkamasinalaypon sang aton karon pagtuliiohan, maayo gihapon sangsa pagtuliiohan naton sadto; nagapati ako sina kag nagabuylog
