412
Juan nagbitbit sang iya metrosan kag nagpakadto-pakari sa tunga
sang iya madamb nga tinawo. Sang makita sia dumalagan sa
pagsugata sa iya:
—Don Crisostomo, — siting niya, — sa katapusan nakaabot ka: kami tanan naghulat sa imo. Tan-awa kon ano ang mga padir: may isa na ka metro kag napulb ka sentimetro ang kataas; sa sulod sang duha ka adlaw ang ila kataas matupong na sa tawo. Wala ako sing ginagamit Iwas-sang himul-awon, dungon, ipil, langil; nag tugon ak6 sang tindalo, malatapay, pino kag nara sa hingapusan nga mga bahin. Maluyag ka magtan-aw sang mga gikab sa idalum?
Ang mga mamumugon matinahaon nga naghatag sing katahuran.
—Amo ini ang kanal nga ginpahanugotan ko nga idugang, — siling ni Nyor Juan. — Ini nga mga kanal sa idalum sang duta nagapadulong sa isa ka daw tilipunan nga buhb nga katloan ka tapak ang antad. Mahimb nga kulohaan nga abono sang hardin; wala ina sa piano. Indi mo ina maluyagan?
—Baliskad sina tanan, ina ginapakamaayo ko kag ginapangibulahanan ko ikaw sa imo kaisipan, isa ikaw ka matuodtuod nga arkitekto. Kay sin-o ka magtuon?
—Sa akon man lang kaugalingon, ginuo, — sabat sang tigulang sing mapainubuson.
—A! Sa indl pa ako malipat; dapat masayran sang mga may pangduhadoha (basi may yara nga mahadlok magpakigsugilanon sa akon) nga ako indi na ekskomulgado; gin-agda ako sang Arsobispo sa pagkaon.
—Aba, ginuo, wala kami pagsapak sang mga ekskomunyon! Tanan kita ekskomulgado na; si P. Damaso amo man kag wala’y sapayan nagatambok man sia gihapon.
—Ano?
—Ina ginapatihan ko; sang isa ka tuig nga nagligad binaston niya ang koadhutor kag ang koadhutor labi nga may pagkapari man nga katulad sa iya. Sin-o ang nagasapak sang mga ekskomun yon, ginuo?
Nakit-an ni Ibarra si Elias sa tunga sang mga mamumugon; ini nagyaob sa iya subong sang iban, apang sa isa ka panulok ginpahangop niya sia nga may ihambal sia.
—Nyor Juan, — siling ni Ibarra, — sarang mo ako mahatagan sing lista sang mga mamumugon?
