- 383
—Daw ano kaayo nga kalag! — Ang hunahona sang tigulang sa iya kaugalingon, — sia nga matinumanon kag masinulundon kaayo sa tanan! Ako may madamb nga sala kag wala gid ako makahibi sing matuodtuod.
Kag sinugdan niya ang ikalima ka Sugb nga tuman na gid kalagnay kag pinahimpit pa gid ang pagpinunga, sa tuman nga mga kaluyag nga wala niya mabatli ang nalumsan nga mga hibubun-ot sang iya hinablos. Sa isa lamang niya ka pagdulog, sang tapos niya mabasa ang nahanungod sa pagpatay sa kamot nga may hinangiban, nga natalupangdan niya ang mga hibubun-ot sang makasasala. Hanti ang paningog nagligad sa pagkalangitnon, binasa niya ang nabilin nga sugb sa pagmitlang nga may pamahog, kag sanglit matan-aw niya nga ang iya hinablos nagpadayon gihapon sa paghibi.
—Paghibi, anak, paghibi! — Hambal niya sa iya nga pinalapitan niya sa hiligdaan. — Labi nga dugangan nimo ang paghibi labing’ madali man nga patawaron ka sang Diwa. Batyaga ang kasakit sang kontrisyon labi sangsa atrisyon.(3) Paghibi ka anak, paghibi! Wala ka makahibalo kon ano ang ginabatyag ko nga kalipay nga ikaw nagahibi! Sumbaga man ang imo dughan, apang indi lang pagpatam-i, kay nagamasakit pa ikaw.
Kapin pa, tungbd nga ang kalisod agud magdugang nagakinahanglan sang kalinong kag pag-isahanon, sang makita sia nga ginpanilagan, si Maria Clara amat-amat nga umontat sa iya paghibubun-ot, pinahiran niya ang iya mga luha nga wala magtingog kag wala man magsabat sa iya tiya.
Pinadayon sini ang pagbasa, apang, tungod nga ang paghibi sang nagkompesar nag-untat, nadula man ang iya luyag, ang katapusan nga mga Sugb nagpatuyo sa iya kag nagpapanguy-ab sa iya, sa dakO nga halit sang makatalaka nga pagpinunga, nga sa amo nga bagay nabungkag.
—A! kon wala ko ina makita indi ko mapatihan! — Panumdom sang ulihe sang maayo nga tigulang. — Ini nga bata nagahimb sing sala katulad sang isa ka soldado batok sa nahauna nga lima ka Sugb, kag kutob sa ikan-um pakadto sa ikanapulb wala sia sing bisan isa ka sala nga sarang mapatawad, nga taligmatb sangsa aton! Ano ang lakat sang kalibutan karon!
(3) Batyaga ang kasakit sang kontrisyon labi sangsa atrisyon — Ang nahauna amo ang kasakit kag paghinulsol tungod sa pagpasipala sa Dios, kag ang ikaduha amo ang kasakit sa pagpaakig sa Dios tungod sa kabug-at kag kalaw-ay sang mga sala nga nahimo.
