382
Sinugdan niya ang pagbasa sa tingog nga makatuluyo kag pinunga nga mga pagbinagbinag nahanungod sang mga butang nga makasasala. Sa katapusan sang tagsa ka parapo gindulogan niya sing malawig, sa paghatag sa pamatan-on sing panahon sa pagpanumdom sang iya mga sala kag sa paghinulsol.
Si Maria Clara tumangla sa taliwala nga wala sing ginpanumdom. Natapos ang nahauna nga sugo nga higugmaon ang Diwa nga labi sa tanan, tinulok sia ni tiya Isabel sa ibabaw sang iya mga antyohos kag nalipay sia sang iya kahimtangan nga nagpanumdom kag masulub-on. Nangughad sia nga may pagkamatinuohon kag sang tapos makaligad ang malawig nga pagdulog, sinugdan niya ang ikaduha ka Sugb. Ang mabuot nga tigulang matinuohon nga nagbasa kag, natapos niya ang mga pagbinagbinag, tinu lok na man niya ang iya hinablos, nga pumahilay sing mahinay sang iya ulo sa pihak.
—Ha! — siling ni tiya Isabel sa iya kaugalingon, — ini’ng pagpakiluoy sa balaan niya nga ngalan, ang kailo nga ini wala na sing labot! Makadto kita sa ikatlo.
Kag ang ikatlo ka Sugb iya ginsusi sing maid-id kag ginsaysay, kag binasa niya ang tanan nga butang nga mahimban sing sala, tumulok sia liwat sa hiligdaan; apang nian binatak sang tiya ang iya mga antyohos, kag kinusb niya ang iya mga mata: nakita niya ang iya hinablos nga nagbutang sing panyu sa guya sa pagpahid sang iya mga luha.
—Hm! — siling niya, — ehem! ehem! Ang kailo nagtulog sing makaisa sa sulod sang panahon sang pagwali.
Kag binutang niya uli ang iya antyohos sa utbong sang iya ilong, nagsiling:
—Tan-awon naton nga, tungod kay wala niya pagpakabalaana ang mga pandot wala man niya pagpadunggi ang iya amay kag iloy.
Kag binasa niya ang ikap-at ka Sugb sa tingog nga labi pa gid ka lagnay kag ka pinunga, nga sa iya pagtuo sa amd nga bagay makahatag sia sing daku nga kaligdong sa pagpakompesar, katulad sang iya nakita nga ginhimb sang madamb nga prayle: si tiya Isabel wala pa gid makabati sa isa ka kwakero nga nagwali, kuntani sia nagpalangurog man.
Ang pamatan-on nga dalaga, nian, makapila nga binatak niya ang iya panyu sa iya mga mata, kag namutikan ang pagbahulay sa iya.
