360
duha ka krus, agud wala sing magsunggod kag si Maria Clara
magaayo sing madali . . . Mahipid ang mga hulot? Nahibai-an
na nimo nga maabot upod sa mga doktor ang bag-o nga tawo nga
daw himata ni P. Damaso; kinahanglan nga wala sing makulang.
Sa isa ka utbong sang kalan-an yara ang duha ka magpakaisa, sanday Sinang kag Victoria, nga nag-alab6t sa pagbantay sang masakiton. Si Andeng nagbulig sa ila sa pagtinlb sang isa ka hwcgo nga pilak nga ilimnan sing tsa.
—Nakilala mo si doktor Espadana? — maid-id nga pamangkot kay Victoria sang inayop nga utod ni Maria Clara.
—Indi! — Sabat sang ginpamangkot. — Ang nahibal-an ko lamang sa iya nga sia nagasukot sing tuman ka mahal, suno kay Kapitan Tiago.
—Kon amo dapat nga maayo gid sia nga manogbulong! — Siling ni Andeng. — Ang nagbusbos sang tiyan ni Donya Maria nagsukot sing mahal tungod sina maalam sia.
—Buang — hinall nga hambal ni Sinang, — indi kay ang tanan nga nagasukot sing mahal maalam. Tan-awa si Doktor Guevara; sang tapos nga indi sia makahibalo magtabang sa nagpanganak, nga inutod niya ang ulo sang lapsag, sinukot niya sing kalim-an ka pesos ang balo . . . ang nahibal-an lang niya amo ang pagsukot.
—Ngaa nakahibalo ka? — Pamangkot sa iya sang iya pakaisa nga sinikol sia.
—Indi ako sina makasayod? Ang bana, nga isa ka manoglagari sang kahoy, sang tapos niya madula ang iya asawa, dinula man niya ang iya balay kay ang Alkalde, nga abyan sang doktor, nagpilit sa iya sa pagbayad . . . indi ak6 sina makasayod? Ang akon amay nagpautang sa iya sing kwarta agud makakadto sia sa Santa Cruz.
Ang isa ka karwahe nga dumulog sa atubang sang balay nagutod sang tanan nga sinugilanonay.
Si Kapitan Tiago, nga ginsunod ni tiya Isabel, nanaog nga nagdagandan sa hagdanan sa pagbaton sang mga bag-o nag-alabot. Ini sila amo si doktor D. Tiburcio de Espadana, ang iya asawa, nga si doktora Donya Victorina de los Reyes de Espadana, kag ang isa ka pamatan-on nga katsila nga may pangnawong nga simpatiko kag makaluloyag sing pamayhon.
