342
Ang kailo humibi sa kasakit kag maabtik nga binatak niya ang iya tiil.
—Masaot ka, p-indya? — Siling sang ginang kag ang tagsaon nagkurog kag naghagurot.
Si Sisa nanginhulog sa salog nga binutang niya ang iya duha ka kamot sa iya mga paa kag tinulok niya ang iya manoghanot sa mga mata nga daw makawas. Ang duha ka mabaskog nga hanot sa iya likod nagpatindog sa iya: indi na yadto isa ka nguyngoy, kundi duha ka syagit ang pinakawas sang kailo. Nagisi ang iya mapino nga bayu, gumiri ang iya panit kag tumubod ang dugo.
Ang paggwa sang dugb nagpakunyag sa tigre; ang dugo sang iya ginhanot nakapalipay kay Donya Consolacion.
—Saut, saut, kondenada nga maldita! Malain ang iloy nga nag-anak sa imo! — Singgit niya. — Saut, ukon indi patyon ko ikaw sa mga hanot!
Kag inuyatan na gid sang alperesa si Sisa sa kamot kag hinanot sang pihak niya nga kamot, nagsugod sa paglukso kag pagsaut.
Nahangpan sia sang buang sa katapusan kag ginsunod nga wala sa kompas ang hagyu sang iya mga butkon. Isa ka yuhom sa kaayawan pumakulo sang mga bibig sang manunudlb, yuhom sang isa ka babae nga Mefistofeles nga nakatigayon sa pagkuha sang isa ka daku nga gintuton-an; may dumot, paghikay, yaguta kag kapintas: apang wala sia sing nabungat nga halakhak.
Kag, nalingaw sia sa kalipay sa iya ginhimb, wala niya mamutiki ang pag-abot sang iya bana tubtob nga hinali nabuksan ang ganhaan nga tinindakan.
Pumakita ang alperes nga nagpalangluspad kag nagkasubo; nakita niya didto ang nagkahanabb kag tinulok niya nga punb sing kaakig ang iya asawa. Ini wala maghulag sa iya duog kag nabilin nga nagyuhom nga may pagtamay.
Hinambuyan sang alperes sa labing’ mahamuot nga iya mahimb sang iya kamot ang abaga sang katingalahan nga manogsaut kag iya ginpadulog. Ang buang nakaginhawa kag inanay pumungkb sa salog, nga nabulit sang iya dugo.
Ang kalinong nagdayon: guminhawa sing mabaskog ang al peres; ang iya kapihak nga nagpanilag sa iya sa mga mata nga nagpamangkutanon, pumulot sang tagsaon kag pinangkot niya ang iya bana sa tingog nga mahinay kag malagnay.
—Ano ang nahanabo sa imo? Wala ka gani makahatag sa akon sing maayong’ gab-i!
