SANG PAGKAGAB —I nga nasindihan na ang tanan nga
parol sa mga bintan;!, gumwa ang ikaapat nga prosesyon sa binagting sang mga lingganay kag gindunganan sang mga linupok.
Ang Kapitan Heneral nga nagdayandayan nga inupdan sang iya duha ka kabulig, ni Kapitan Tiago, sang Alkalde, sang alperes kag ni Ibarra, nga gin-unahan sang mga gwardya sibil kag sang mga punban nga naggahit sang alagyan kag nagpahawa sa dalan, gin-agda sa pagtan-aw sang pag-agi sang prosesyon sa balay sang gobernadorsilyo, nga pumatindog sa atubangan sing entablado, diin igamitlang ang isa ka luwa sa kadungganan sang Balaan nga Patron.
Kuntani luyag ni Ibarra nga mamalibad sa pagpamati sa amo nga binalaybay kag pakamaayuhon niya ang magtan-aw sang prosesyon sa balay ni Kpn. Tiago, diin si Maria Clara nagpabilin kaupod sang iya mga abyan nga babae, apang ang Iya Taslangdon maluyag magpamati sang luwa kag wala na sia sing liwan nga mahimo kundi ang magpaabuyon sa kaisipan nga pakigkitaan niya ugaling si Maria Clara sa teatro.
Nagsugod ang prosesyon nga ginpangunahan sang mga kandilaan nga pilak, nga gindala sang tatlo ka sakristan nga ang ila mga kamot may mga gwantis; nagsundd ang kabataan sang buluthban, nga ginbuylogan sang manunud.'b; dumason ang kaba taan nga nagdalala sang mga parol nga papel, nga nagkalainlain
(1) Luwa — Isa ka natakos nga pamulongpulong sa pasahi nga hitabo sa kadungganan sang lutaw nga tawo. Si Pari Zunega nagahatag kasaysayan sang isa ka luwa nga iya nabatian sa Lipa, Batangas, sang 1800, sang pagduaw ni Heneral Alava sa amo nga duog: “Ang manogluwa nakita sa tunga sang entablado nga nagasandig sa siya kag nagapanapot subong sang iya sang kabalyerong* katsila, nga daw nagakatulog, samtang sa likod nayon sang entablado nga indi makita ang mga manlalanton nagaalamba sang makatuluyo nga ambahanon sa pulong nga tumandok. Ang daw nagakatulog mabugtaw kag magpakunokuno nga daw nakabati, uk6n nagapalanamgo nga nakabati sang isa ka tingog. Mapatulogtulog na man sia, mabugtaw kag magpakunokuno nga may nabatian sia, kag ini iya ginasulitsolit tubtob nga magpati sia nga ang tingog nga iya nabatian nagapasayod sang pag-abot sang dungganon nga tawo nga iya pagadayawen. Hanti, sugdan na niya ang pagluwa sa kadungganan sang tawo nga ang pandot gintukod nga bilang halad sa iya.
