masadya nga mga duag, nagtililipon nga naglilikaw sa masingkal
nga adlaw, sa silong sang landong sang mga kahoy, ang iban sa
silong sang mga sanga. Ang kabataan nagsaka sa mga sanga, sa
ibabaw sang mga bato, agiid makakita sila sing maayo sang palatuntonan, kag sa sini nga paagi nasugponan ang ila kanubo;
nagtan-aw sila nga may kahisa sa kabataan nga nagbulutho nga,
mga matinlo kag nagpalanapot sing maayo, naglilingkod sa mga
pulungkban nga ginpahanungod lamang sa ila. Ang mga amay
nasadyahan: sila, mga imol nga umanhon, nagatan-aw sa ila
kabataan nga makaon sa puti nga mantel katulad sang kura kag
sang Alkalde. Tuman na nga magpanumdom sina agud indi
paggutumon, kag ini nga hitabo ginsugid halin sa mga amay
pakadto sa mga anak.
Sa madali nabatian nila ang malayo nga mga tunog sang musika: ini ginsundan sang nagsinamb nga guban sang mga tawo, sa tanan nga panuigon kag nagpalanapot nga may nanuhaytohay nga duag. Ang madalag nga tawo indi mahamtang kag gin-usisa niya sa isa ka panulok ang bug-os niya nga aparato. Ang isa ka natingala nga umanhon nagsunod sang iya panulok kag nanilag sang tanan niya nga hulag: si Elias yadto nga nagtambong man sa palatuntonan: sa iya sadok kag sa iya gawi sang pagpanapot halos sia indi makilal-an. Nakatigayon sia sing maayo nga duog, malapit man sa aliling, sa bibi sang kutkot.
Upod sa musika nag-alabot ang Alkalde, ang mga alagad sang pangulohan, ang mga prayle, Iwas kay P. Damaso, kag mga alagad nga katsila. Si Ibarra nagsugilanon sa nahauna, nga nangin-maayo niya nga abyan kutob sang mahatagan niya sing matahum nga mga pagdayaw nahanungod sang iya mga pasidungog nga puni kag mga banda; kay ang mga pagdayaw nga matinaastaason amo ang naluyagan sang Iya Ekselensya. Si Kpn. Tiago, ang alperes kag ang iban pa nga mga manggaranon naglalakat sa tunga sang bulawanon nga guban sang mga babaeng’ pamatan-on nga naghulomlad sang ila suklk nga mga payong. Si P. Salvi nagsunod subong sa gihapon nga mahipos kag nagpanumdom.
—Isipa ang akon bulig sa gihapon kon nahanungod sa maayo nga hilikuton, — siling sang Alkalde kay Ibarra. — Hatagan ko ikaw kon pila ang imo kinahanglan, ukon indi gani, tinguhaon ko nga maghalatag ang iban. Samtang sila naghililapit ginbatyag sang pamatan-on nga nag
