Iya, mga tawo nga tuhay sangsa ibán kag sa gihapon ginhingalanan sing makatalanhagà nga mga tinagâ nga M.R.P. Fr. (Muy
Reverendo Padre Fraile) nga sa iya kahulogán ang aton mga mangin-alamon indì maghilituhog. Sunô sa aton kasarangan nga propesor sa mga pulong, siá walâ paghambal kapin sa isá ka gatós ka
may sayop nga mga pulong sang una, ang M.R.P. may kahulogan
nga Muy Rico Propietario,1 kay ini nga mga pari amó ang isá ka
sari sang mga diyusdiyos, matarong kaayo, matanlas kaayo nga
mga manogpamulongpulong, mga maalam kaayo, kag wala'y sapayán sang ila daků nga gahúm kag pagkatalahàon halos sílá nagahimò sang labing' diutay nga kakulangán, nga amó ang nagapabakod sang akon pagtùo sa pagbilang sa ila nga ibán nga mga tinuga nga lain sangsa kalabanan. Kag kon iní kulang pa nga isak-
dag sa akon kaisipan, mabilín pa sa akon ang isá ka kinamatarong,
nga walâ sing makasikway kag sa tagsa ka adlaw napamatud-an
nga ang amó nga makatalanhagà nga katawohan nagapapanaog
sang Diwa sa dutà sa pagmitlang lamang sang pilá ka tagâ, nga
ang Diwa indì makahambal kundi sa bàbà nila kag sa Iya nagakaon, nagainúm sang Iya dugo kag sa indì makapilá lamang ginapakàon man nila sa mga tawong' timawà...
Iní kag ang ibán pa nga mga butáng ginsulód sang dimatinùohon nga pilosopo sa bàbà sang nahalitan nga mga tawo sang palaabuton. Ayhan si tigulang Tasio masayóp, nga amó ang labíng' madali apang mabalik kitá sa aton ginasugid.
Sa mga kiosko diín nakità naton sang isá ka adlaw ang manunudlò sa buluthòan kag ang mga bumoluthò, ginhimos karón ang pamahaw, manamit kag dagayà. Wala'y sapayán, nga sa latók nga gin-aman sa kabataan sang buluthòan walâ sing bisán isá ka botelya nga alák, apang sa baylo labi nga may madamò nga bungangkahoy. —Sa silong sang mga sangá nga nag-angót sang duhá ka kiosko may mga pulungkoan sang mga músiko kag sa isá ka latók nga napunô sing mga dulsi kag kalan-unon, mga prasko sang tubig, nga napunihán sang mga dahon kag mga bulak sa naubaw nga mga dumolugok.
Ang manunudlò sang buluthòan nagpatindog sing mga lalap- gusan nga kawayan, mga lulompatan, nagbitay sing mga sartin, kag mga kulon nga gamiton sa masadya nga hinampang. Ang mga tawo, nga nagsuluót sing mga panapót nga may
______________________
(1) Muy rico propietario (M.R.P.) — Manggaranon kaayo nga tag-iya sang mga pagkabutáng.
