SI FR. DAMASO NAGSUGOD sa paghambal nga malagnay kag mahinay:
"Et spiritum tuum bonum dedisti, qui deceret eus, et man na tuum non prohibuisti ab ore corum, et aquam dedisti ei: in siti." "Kag nagahatag ikaw sa ila sang imo maayo nga kalág sa pagtudlo sa ila kag walâ mo ginakuhaa ang imo tinapay sa ila bàbà kag ginahatagan mo silá sing tubig kon silá uhawon!"
"Mga tinagâ nga ginhambal sang Ginùo sa bàbà ni Esdras, kasulatan II, bahin IX, ika-20 nga binalaybay."
Si P. Sibyla nagtulok nga nabulong sa mangwawali: si P. Manuel Martin nangluspad kag tinulón niya ang iya laway: yadto maayo sangsa iya.
Kon balá namutikán iní ni P. Dámaso ukón balá ang iya tutonlan nag-asgad pa, ang kamatuoran nga makapilá siá mag-ubó nga tinungtong niya ang iya duhá ka kamót sa halambuyan sang balaan nga walihán. Ang Espíritu Santo yara sa ibabaw sang iya ulo, nga bag-o lang napintahán: maputi, matinlò nga ang iya mga tiíl nga magagming kag tuktok may duág nga rosa.
"Labíng' halangdon nga Ginùo (sa Alkalde), labíng putlì nga mga pari, mga kristuhanon, mga utod kay Jesucristo!"
Dirí dumulog siá anay nga nagpakaligdong, nga pinalibot niya liwát ang iya mga panulok sa bug-os nga tumalambong, nga ang ila pagpamati sa paghangóp sang iya inoghambal naglipay sa iya.
Ang nahauná nga bahin sang wali dapat nga kinatsilâ kag ang isá sa tinagalog: loquebantur omnes linguas1
Pagkatapos sang pagpangatahurán kag sang pagdulog, inuntay niya ang iya kamót nga tuó nayon sa halarán nga inunay niya
__________________________
(1) Loquebantur omnes linguas — Mahambal sang tanán nga pulong. Ang mga apóstoles, sang wala pa maghalalin sa pagpamuyok sa kalibutan, ginkonsagrahan sang Espiritu Santo sa iya ka tapusan nga pagpanihapon sing bugáy sa mga pulong. Ang palahidlahid sang tagsulat yara sa bagay nga, si Fr. Dámaso, sa iya pagsermon sa duhá ka pulong nagapadayon, bisan malayo kaayu,
sang dalayawon nga sulundon sang pagka apóstoles.
