sa daků nga batdaan nga sa tuman kaalwan iya ginapatindog.
Iní nga angay nga manunobli sang mga Pelayo kag mga Elcano
(kay sunô sa akon nasayran ang isá sang iya mga lolo nagikan
sa aton mainunungon kag bilidhon nga mga puód sa Aminhan,
ayhan ang isá sang mga kaupdanan ni Magallanes ukón Legaspi)
walâ magpakità sa nabilín nga mga tinaknà sang adlaw tungód
sang diutay nga sablag sa iya. Ang iya ngalan naglatunlaton halío
sa isá ka bàbà pakadto sa isá ka bàbà kag ginmitlang lamang nila
nga may mga pagdayaw nga indì makulang sa paghatag kadungganan sa España kag sa mga tunay nga katsilà subong sa aton,
nga indì mas-a mahimutíg ang aton dugô bisán pa nga masimbugán.
"Karón sa ikanapulò kag isá ang taknà sa aga nakità namon ang isá ka talan-awon nga tuman ka makatalandog. Karón nga adlaw, nga nasayran na sang banwa, amó ang pandot sang Virgen de la Paz, kag hiwaton sang mga Utod ni Smo. Rosario. Bwás ang pandot sang Patron S. Diego kag magapakigbuylog sing labí ang mga Utod sang V.O.T.6 Sa sini nga duhá ka kumboyahan may isá ka mainit nga paindis-indis sa pag-alagad sa Diwa, kag iní nga paindisay naglambot tubtob sa katapusan nga nagluntad ang paglainay sang kabubut-on sang pihák kag pihák, subong sang nahanabò sining' karón sa ginbaisan sang daků nga mangwawali nga may kinilala nga kabantugan, ang makapilá na ginbutang sa palangakòan nga labing' talahuron P. Fr. Dámaso, nga magawali bwás sa walihan sang Balaan nga Kalág sing isá ka wali nga, sunô sa pagpati sang kalabanan, mangín-isá ka hitabô sa pagtulùohan kag sa kasulatan.
"Sanglit, nahambal na naton, nagtambong kami sa isá ka talan-awon nga tuman nga makatudlò kag makatalandog. Anum ka paring' pamatan-on, tatlo nga mahiwat sang misa kag ang ibán nga tatlo nga mga akólito gumwâ gikan sa sakristiya kag naglayaób sa atubangan sang halarán; minitlang sang taghiwat sang misa nga si labing' talahuron P. Fr. Hernando de la Sibyla ang Surge Domine, nga nagpasugod sang prosesyon palibot sa simbahan, sa sinang' makagagahum nga tingog nga makapadalisay sang balatyagon sa pagtuo nga ginakilala sang tanan nga naghimò sa iya nga nangin-angay sa pagdayaw sang tanán. Natapos ang Surge Domine, ang gobernadorsilyo, nga nagsuót sang prak, nga may estandarte nga ginsunód sang apat ka akólito nga may mga inogpaasong kamangyan, nagsugod sang prosesyon. Nagsunod sa ila ang mga kandiliruhán nga pilak, ang katilingban sa pag-
________________________
(6) V.O.T.— Venerable orden tercera, isá ka katilingban sa pagtuluohan nga katoliko.
