nga nakapuláw mabasa sa libro: "Kon ang paka tubdan
lahibo!"8 Anó sa imó?
Kag si Sinang pumahiwî sang iya bàbà sa nangin-seminarista nga padayon nagkadlaw.
—Sino ang nagsugo sa imo nga maghimò sinâ nga pamangkot?— Hambal sa iya sang iya pakaisa nga si Victoria. — Ang paghimò sinâ nga pamangkot tuman nga makabagay sa amó nga mga sabát:
—Pamangkot ka! — Hambal nila kay Ibarra nga tinanyag sa iya ang aliling!— Amon ginkaisahan nga kon sin-o ang makatigayon sing labing' maayo nga sabát makabaton sing dulot sang ibán. Nakapamangkot na kami tanán.
—Kag sino ang nakatigayon sing labing maayo?
—Si María Clara, María Clara! —Sabát ni Sinang —Ginpapangkot namon siá luyag nimo ukón indì: "Ang iya gugma mainunungon balá kag dalayon?" kag ang libro nagsabát...
Apang si María Clara, nga nagpalamulá, tinakpan niya ang bàbà ni Sinang sang iya mga kamót kag wala niya pagpadayuna sa paghambal.
—Hanti, ihatag sa akon ang aliling! — Silíng ni Crisóstomo nga nagyuhóm.
—Namangkot siá "Maayo ayhan ang gwâ sang akon karón ginapatigayón?"
—Malaw-ay kaayo nga pamangkot!—tablaw dayon ni Sinang. Initsa ni Ibarra ang mga pitsas, kag sunô sa iya isip pinangità nila ang pamihák kag ang sabát.
—"Ang mga damgo, mga damgo man gihapon!"(9)—Basa ni Albino.
Kinuhà ni Ibarra ang telegrama kag binukad niya nga nagpalangurog:
—Sa karón, ang imo libro nagabutig!—Hambal niya nga punô sing kalipay. Basaha!
"Hingyù buluthòan ginpakamaayo, kasabà ginpamatbatán ayón sa imo."
—Anó kon sayuron ini? — Pamangkot nila sa iya.
__________________
(8) Kon ang paka tuboan sing balahibo — Ginahambal nahanungód sang tanan nga butang nga indi gid mahima.
(9) Ang mga damgo, mga damgo man gihapon —Mga tinaga sa katapusan nga dalán sang binalaybay nga "La vida es un sueño" ni D. Pedro Calderon de la Barca.
