ANG SINAPOL SA TRIBUNAL155
dungandongan ni Cicerón nga ginhinambitán pa lamang ni ka-
pitan Basilio.
—Amó inâ, subong kay Sila, — sulit ni kapitán Basilio, nga humitad ang iya dulonggan.
Nag-amát dugang ang ila katingala.
—Sanglit madugok ang madamò nga manggaranon kag ang tagsa madalá sing linibulibo ka pesos kag sang ila labing' maayo nga mga manók, kag ang liampó8 kag mga baraha, ginahingyò ko ang napulò kag limá ka adlaw nga binulangáy, kahilwayan sa pagbukás sang tanán nga baláy nga halampangan . . .
Apang ang mga pamatan-on bumalabag sa iya nga nagtilindog: nagpalati silá nga ang tenyente mayor nagbùang. Ang mga tigulang nagbinaisáy sing mainit.
—Kag sa katapusan agúd indi mapabay-an ang kalipay sang mga kalag . . .
Ang mga hinuringhoring kag mga sininggit nga naghalalín sa tanán nga higád sang kadak-an bug-os nga tumabon sang iya tingog: yadto isá lamang ka kinagulà.
—Indi! Singgit sang isá ka konserbador nga indi madalá-dala. — Indì akó maluyag nga pagdayawon siá nga siá ang nagtukod sang pandot, indi! Pabay-i, pabay-i akó nga maghambal!
—Linag-it kitá ni D. Filipo! Hambal sang mga liberal. Magpilì kitá batok sa iya hingyù! Sumaylo siá sa mga tigulang! Magpili kitá batok sa iya!
Ang gobernadorsilyo, nga labí nga nagpaluya, walâ sing nahimò sa pagpabalik sang katawhay: naghulát nga maghipos silá sa ila lamang kaugalingon.
Ang kapitan sang mga kwadrilyero nangayò nga mahambal. Ginpahanugotan siá, apang walâ magbukâ ang iya bàbà kag bumalik sa paglingkod nga lumibóg ang iya ulo kag nahuy-an. Sa maayo nga palad tumindog si kapitán Valentin, ang labing' matawhay sa tanan nga konserbador, kag humambal:
—Indi naton mapakamaayo ang ginhingyò sang tenyente
mayor9, nga sa aton daw kumawas sa latid. Sa madamò nga
bomba kag madamò nga mga gab-i sang komedya ang makahandum lamang ang isá ka pamatan-on, katulad sang tenyente
_______________
(8) Liampo — Isá ka sari sang sugál nga ginapakaali sang mga insik.
(9) Tenyente Mayor - Ang tenyente mayor ginapili sang gobernadorsilyo sang banwa bilang kabulig niya sa iya mga hilikutón sa pangulohán sang banwa.
