siá nga nagkaon ang iya gutom nga suloksulok nga wala maayawi
sang ginhatag sa iya sang iya mga magulang nga utod.
Ang mga kikik naghinuni sing makatuluyo nga ginsimpon nila ang ila wala’y katapusan kag dalayon nga huni sa matagsing nga inamba sang sirumsirom, nga nagpanago sa hilamdn, ukon sa panagutsot sang tagtkb nga naggwa sa iya buho sa pagpangita sang iya pagkaon, samtang ang tukb, nga indi na mahadiok sang tubig, tumoblag sang hinuni sa iya tingog nga nagragaak nga pumaulhot sang iya ulo sa buhb sang kahoy nga nagkamudmod. Ang mga idO naglalahay sing mahagnop didto sa dalan, kag ang mapinatihon sang mga maligno nga makabati, nagpati nga ang mga sapat may nakita nga mga espiritu kag mga landong. Apang bisan ang mga idu ukon ang mga sapatsapat wala makakita sang mga kasakitan sang mga tawo, kag wala’y sapayan nga madamb ang nagakabuhi!
Didto malayo sa banwa, sa kalayuon nga isa ka takna, nagpuyo ang iloy ni Basilio kag ni Crispin, asawa sang isa ka tawo nga wala sing tagipusiion. nga nag-utitid sa pagpangabuht kaupod sang iya mga anak samtang ang iya bana nagsagad lagaw kag nagbulang. Ang ila pagkitaay talagsa apang sa gihapon makahalanusbo. Kinakasan niya ang iya asawa sang diutay niya nga mga hiyas, agud lamang makapatuyang sia sa iya kaduyogan, kag kon ang mainantuson nga Sisa mawad-an na sing ihatag sa pagpatuyang sang iya bana, sugdan sini ang pagsakit sa iya asawa. Maluya sing kabubut-on, labi nga may tagipusuon sangsa utok. ang nahibal-an lamang niya amo ang paghigugma kag ang paghibi. Sa kay Sisa ang iya bana amo ang iya Diwa; ang iya mga anak amo ang iya mga anghcl. Sia, nga nakasayod kon tubtob diin sia ginpakamahal kag gintahod, nagpakita man sang mga gawi katulad sang ditunay nga mga diwa: tagsa ka adlaw labi sia nga nagmapintas, wala sing kalag, kag nagtuman lamang sang iya luyag.
Sang pamangkuton sia ni Sisa, isa ka tion nga nagpakita sia nga masulub-on kaayo ang iya nawong, nahanungod sa iya handum nga himuon si Basilio nga isa ka sakristan, padayon nga naghiluthilot sia sang iya manok, wala sia magsiling nga huo ukon indi, kag namangkot lamang sia kon bala makakita ang bata sing madamb nga kwarta. Ang asawa wala na magpamangkot liwat: apang ang iya pagsakb kag ang paghandum nga ang kabataan makatu6n sa pagbasa kag pagsulat sa buluthban sa banwa, napilitan
